MLA Balaji Kalyankar : आमदार कल्याणकर यांच्या वाहनावर देगावला दगडफेक

Nanded News : नांदेड उत्तर मतदारसंघाचे शिवसेनेचे आमदार बालाजी कल्याणकर यांच्या वाहनावर दगडफेक करून काचा फोडण्यात आल्या. देगाव कुराडा (ता. अर्धापूर) येथे रविवारी (ता. १७) दुपारी ही घटना घडली. दरम्यान, सकल मराठा समाजाच्या आंदोलकांनी ही दगडफेक केली असल्याचा पोलिसांचा संशय आहे.

शिवसेना शिंदे गटाचे आमदार बालाजी कल्याणकर हे रविवारी देगाव कुराडा येथे एका लग्नसमारंभासाठी गेले होते. दुपारच्यावेळी लग्न मंडपाबाहेर उभ्या असलेल्या त्यांच्या वाहनावर (एमएच २६ - बीसी ७७७१) एक मराठा,

लाख मराठाच्या घोषणा देत अज्ञातांनी दगडफेक करून काचा फोडल्या आहेत. यावेळी गाडीत आमदार अथवा चालक नव्हते, त्यामुळे कोणालाही दुखापत झाली नाही. यापूर्वी काही आमदार, खासदारांना मराठा समाजाच्या रोषाला सामोरे जावे लागले होते.