नांदेडमध्ये रस्त्याच्या दुरवस्थेमुळे एसटी बस चिखलात रुतली

नांदेड : शहरात (Nanded) नव्हे तर, गाव खेड्यात देखील अनेक ठिकाणी लहान मोठे रस्ते खोदुन ठेवण्यात आले आहेत. त्यातच जोरदार पावसामुळे तर अनेक रस्ते, लहान मोठे पुल वाहुन गेले आहेत. त्यामुळे रस्त्यावर मोठ- मोठे खड्डे पडले आहेत. रस्त्यावरील खड्डे चुकवताना वाहन चालकांना अक्षरश: तारेवरची कसरत करावी लागत आहे. रविवारी (ता.२६) परभणीहून (Parbhani) नांदेडला येणारी महामंडळाची बस (Maharashtra State Transport) शहरात छत्रपती चौक ते गुरुजी चौकादरम्यान आली असता चालकाने रस्त्यावरील खड्डे चुकवण्याचा प्रयत्न करताना बसचे समोरील चाक रस्त्यावरील चिखलात रुतुन बसल्याने प्रवाशांना बसच्या बाहेर काढण्यासाठी रहिवाशांना चांगलीच कसरत करावी लागली.

नांदेड आगाची बस (एमएच-१३, सीयु -७१३९) परभणीहून निळामार्गे नांदेड शहरात येत असताना छत्रपती चौक ते गुरुजी चौक, निळ्या फाटा रस्त्याची दयनीय अवस्था झाल्याने बस चिखलात रुतुन बसली