धक्कादायक ; कोणाला सांगितलेस तर ठार मारेन म्हणत केले तिच्यावर अत्याचार

बेळगाव : अल्पवयीन तरुणीचे अपहरण करुन जीवे मारण्याची धमकी देत तिच्यावर दोन वेळा अत्याचार करण्यात आल्याची घटना हुक्‍केरी तालुक्‍यातील एका गावात सोमवारी (ता.8) उघडकीस आली आहे. या प्रकरणी यमकनमर्डी पोलीसठाण्यात अपहरण आणि पोक्‍सो कायद्याअंतर्गत गुन्हा दाखल झाला असून काल पीडित तरुणीची जिल्हा रुग्णालयात वैद्यकिय तपासणी करण्यात आली.

याबाबत अधिक माहिती अशी , हुक्‍केरी तालुक्‍यातील एका गावातून 17 वर्षीय तरुणीचे मारुती गोपाळ केम्मनगोळ या तरुणाने अपरण केले होते. तिला केम्मनगोळ गावातील आपल्या घरात ठेवले. त्यानंतर 25 मेला दुपारी दोन आणि 27 ला सायंकाळी चार वाजता तीच्यावर दोन वेळा अत्याचार केला. या घटनेची वाच्चता कोठी केलीस तर तुला ठार करण्याची धमकी दिल्याने ती भीतीपोटी गप्प होती. त्यानंतर पीडित तरुणीने आपल्याबाबत घडला प्रकार कुटुंबीयाना सांगीतल्यानंतर तिला पोलिस ठाण्यात हजर करण्यात आले. या प्रकरणी यमकनमर्डी पोलिसांनी पीडित तरुणीची जबाणी घेत जिल्हा रुग्णालयात वैद्यकिय तपासणी केली.

हे पण वाचा - 'या' गावाने असं हरवलं कोरोनाला ; सर्वत्र होतंय काैतुक.... 

संशयिताच्या अटकेसाठी पोलीस प्रयत्नशील आहे. या प्रकरणी पोलीस उपनिरीक्षक सुनिल पाटील अधिक तपास करीत आहे.

हे पण वाचा - धक्‍कादायक.... पती पाठोपाठ पत्नीने ही संपवले जीवन...