सोलापूर ग्रामीणमध्ये 241 नवे कोरोना बाधित, तिघांचा मृत्यू 

सोलापूर : सोलापूर जिल्ह्याच्या ग्रामीण भागात शुक्रवारी रात्री बारा वाजे पर्यंत कोरोना चाचणीचे 6 हजार 10 अहवाल प्राप्त झाले आहेत. त्यातील पाच हजार 769 अहवाल निगेटिव्ह आले असून 241 अहवाल पॉझिटिव्ह आले आहेत. आज एकाच दिवशी 133 जण कोरोना मुक्त झाल्याने त्यांना रुग्णालयातून घरी सोडण्यात आले आहे. कोरोनामुळे तिघांचा मृत्यू झाल्याचेही आजच्या अहवालातून स्पष्ट झाले आहे. 

सोलापूर जिल्ह्याच्या ग्रामीण भागातील एकूण बाधितांची संख्या आता 34 हजार 32 झाली आहे. कोरोना मुळे आतापर्यंत एक हजार सात जणांचा मृत्यू झाला आहे. रुग्णालयात सध्या 1 हजार 384 जणांवर उपचार सुरू आहेत. आत्तापर्यंत 31 हजार 641 जण कोरोना मुक्त झाले आहेत. कोरोना चाचणीचे अद्यापही 49 अहवाल प्रलंबित आहेत.

ग्रामीण भागातील 11 हजार 561 जणांना सध्या होम क्वारंटाईन करण्यात आले आहे. इन्स्टिट्युन्शल क्वारंटाईनमध्ये सध्या 2 हजार 384 जण आहेत. ग्रामीण भागातील दोन लाख 63 हजार 942 कोरोना चाचण्यांचा अहवाल निगेटिव्ह आलेला आहे. आजच्या अहवालात मृत दाखविण्यात आलेल्या व्यक्तींमध्ये माळशिरसमधील 65 वर्षिय पुरुष, पंढरपूर तालुक्‍यातील बोहाळी येथील 30 वर्षिय पुरुष आणि मंगळवेढ्यातील काझी गल्लीतील 62 वर्षिय पुरुषाचा समावेश आहे.