सोलापूर : दक्षिण सोलापूर तालुक्यातील वडकबाळ येथील यासिन गुलाब शेख (वय 30) तर वांगीतील सत्तार गुलाब मुल्ला (वय 35) हे दोघे दुचाकीवरुन सोलापुरात येत होते. गावापासून दहा किलोमीटर अंतरावर विजयपूर जकात नाक्याजवळ आल्यानंतर त्यांच्या दुचाकीला अज्ञात वाहनाने धडक दिली. त्यात त्या दोघांचाही मृत्यू झाला असून त्यांच्या दुचाकीचे मोठे नुकसान झाले आहे. या अपघाताची विजापूर नाका पोलिसांत नोंद झाली आहे.
तपास अधिकारी म्हणाले...
अपघातात मृत यासिन शेख व सत्तार मुल्ला दोघेही कुटुंबाच्या उदरनिर्वाहासाठी सोलापुरात हमालीचा व्यवसाय करीत होते. त्यातील एक कृषी उत्पन्न बाजार समितीत हमालीचा व्यवसाय करीत होता, अशी माहिती पोलिस तपासांत समोर आल्याची माहिती विजापूर नाका पोलिस ठाण्याचे पोलिस उपनिरीक्षक तथा तपास अधिकारी महादेव बेंबळे यांनी 'सकाळ'शी बोलताना सांगितले. ही घटना सकाळी पाच ते साडेसहाच्या सुमारास घडली. अपघातानंतर त्या दोघांचाही जागीच मृत्यू झाला. त्यांच्या दुचाकीला धडक देऊन पसार झालेल्या वाहनाचा शोध सुरु असल्याचेही ते म्हणाले. हमालीतून चार पैसे मिळतील म्हणून दोघेही बाजार समितीतील लिलाव सुरु होण्यापूर्वी पोहचता येईल म्हणून घाईघाईने सोलापुरकडे येत होते. अपघातावरुन त्यांच्या दुचाकीचा वेग जास्त असल्याचा अंदाज पोलिसांनी व्यक्त केला आहे. पुढील तपास सुरु असल्याचेही श्री. बेंबळे म्हणाले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.