त्यांनी साकारला लढणारा योध्दा भारत

मोहोळ (सोलापूर) : लॉक डाऊनच्या काळात येथील व्यवसाईक सिद्धहस्त चित्रकार तथा सामाजिक कार्यकर्ते सुर्यकांत कांचन यांनी 'योद्धा भारत'हे गुढरम्य तैलचित्र रेखाटत जणू काही या संकटाविरुध्द लढून भारत अधिक मजबूत होईल असा विश्‍वास देण्याचे काम केले आहे. कोरोना आजार व लॉकडाऊन ही स्थिती संपवण्यासाठी देशवासीय लढत असून पुढील काळ त्यांच्यासाठी आश्‍वासक असेल हा संदेश या चित्रातून मिळतो आहे. 

हेही वाचाः सोलापूरातील जलशुध्दीकरण यंत्रावर स्वयंचलीत गॅस 

बांधकाम खात्यात सहाय्यक कनिष्ठ अभियंता या पदावर नौकरी करीत असलेले सेवानिवृत्त झालेल्या सुर्यकांत (बापू) कांचन हे चित्रकार म्हणून परिचित आहेत. वर्तमानपत्रे,विविध इलेक्‍ट्रॉनिक वाहिनीच्या माध्यमातुन विविधततेने नटलेला 130 कोटी लोकसंख्येचा भारत कोरोनाच्या महामारीला मोठया धैर्याने मात करताना पाहीला. नागरिकांची संसर्ग रोखण्यासाठी ठेवलेली शिस्त, डॉक्‍टर, पोलिस सारख्या यंत्रणाची कामगीरी पाहता त्यांना पुढील काळ या संकटातून बाहेर पडून उज्वल भविष्य देणारा वाटतो. त्यामुळे केवळ आजाराची स्थिती नव्हे तर संकटानंतरचा काळ अधोरेखीत करण्याचे त्यांनी चित्रातून केले. याच संकल्पनेतुन धैर्याच्या प्रगतीच्या सुर्योदयाच्या वेळी चौखुर उधळणारे यशरूपी भारताचे सात अश्व या संकल्पनेचे कल्पनारूपी चित्र मनात आले. 

हेही वाचाः भारीच... तरुणांनी रंगवली शाळा 

त्यांनी या चित्राला योध्दा भारत हे नाव दिले. या मनातील कल्पनेचे प्रत्यक्ष कॅनवास ऑईल पेंटीगच्या माध्यमातुन तेज,वेग,शक्ती,आत्मविश्वास,आदींचा एकत्रीत मिलाफ असलेले 'योध्दा भारत' हे अतिशय आकर्षक असे कॅनवास तैलचित्र साकारले गेले. सर्व परिचित असणारे सुर्यकांत कांचन मोहोळ येथील ग्रामदैवत श्री नागनाथ देवस्थान पंचकमेठीचे काही वर्ष अध्यक्ष होते. शहराचा प्राचीन वारसा सांगणारी वेस (प्रवेशद्वार) यांचा जिर्णोदार करण्यामध्ये कांचन यांचे मोठे योगदान आहे. कांचन यांचे पोट्रेट लॅडस्केप,पेन्सील ड्राईंग, थर्माकोल वर्क,इंकवर्क,आदीमध्येही प्राविण्य आहे. त्याची अनेक चित्रे भारतातील अनेक राज्यासह परदेशातही गेली आहेत. 
लॉकडाऊन कडे मी आश्वासक दृष्टीने पाहील्यामुळेच मी माझे छंदरूपी सत्व प्राप्त करू शकलो.त्यामुळे यापुढील काळातही अशा विविध विषयावरील पेटींग रेखाटणार असल्याचे सुर्यकांत कांचन यांनी सांगितले.