भाजपकडून कोरोना प्रतिबंधासाठी मदत 

भाजपकडून कोरोना प्रतिबंधासाठी मदत 

सोलापूर ः कोरोनासारख्या भयानक रोगाला हरविण्यासाठी भाजपचे अनेक कार्यकर्ते पुढे सरसावले आहेत. भाजपच्या बूथप्रमुखापासून ते प्रदेशाध्यक्षांपर्यंत सर्वजण कोरोनाला हरविण्यासाठी मदत करत आहेत. प्रत्येक जिल्ह्याने याबाबत काय कामकाज केले आहे, याचा आढावा दर दोन दिवसांनी प्रदेशाध्यक्षांकडून फोन कॉन्फरसिंगद्वारे घेतला जात असल्याची माहिती जिल्हाध्यक्ष शहाजी पवार यांनी "सकाळ'ला दिली. 

प्रदेशाध्यक्ष चंद्रकांत पाटील, माजी मुख्यमंत्री देवेंद्र फडणवीस यांच्यासह प्रत्येक जिल्हाध्यक्ष, आमदार, खासदार हे या कॉन्फरसिंगमध्येही भाग घेत आहेत. यावेळी प्रत्येक जिल्हाध्यक्षांना त्यांनी केलेल्या कामाबाबत विचारणा केली जात आहे. कोरोनाशी दोन हात करण्यासाठी प्रत्येक जिल्ह्याने परराज्यातील लोकांना मदत करावी. त्याचबरोबर सध्या रक्ताचा तुटवडा जाणवत आहे. त्यामुळे रक्तदान करून राष्ट्रीय कार्यात सहभाग देण्याचे आवाहन पक्षाच्यावतीने केले जात आहे. याशिवाय कोरोना विषाणूंचा प्रसार होऊ नये म्हणून औषधाची फवारणी करण्यासाठी पक्षाच्या काही कार्यकर्त्यांनी ट्रॅक्‍टर व फवारणी यंत्रेही प्रशासनाला दिली आहेत. सोलापुरातील जवळपास साडेतीन हजार लोकांना जेवण पोचविण्याचे काम केले जात आहे. जे परराज्यातील नागरिक आहेत, त्यांना धान्य देण्याचे काम केले आहे. जवळपास दीड-दोन हजार लोकांना धान्याचे वाटप केले आहे. त्याचबरोबर मास्क, सॅनिटायझरही वाटप केल्याचे श्री. पवार यांनी सांगितले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com