बाळ्यातील भिमनगरमध्ये पेव्हर ब्लॉक कामाचा प्रारंभ 

logo
logo

सोलापूर : सोलापूरचे माजी पालकमंत्री तथा शहर उत्तरचे आमदार विजयकुमार देशमुख यांच्या प्रयत्नातून महापालिकेच्या प्रभाग क्रमांक 5 मधील बाळे गावठाण येथील भीमनगरमध्ये लोकशाहीर अण्णाभाऊ साठे नागरी वस्ती सुधारणा योजनेतून पेव्हर ब्लॉक घालण्याच्या कामाचा शुभारंभ झाला. भाजप नगरसेविका स्वाती आवळे व या भागातील ज्येष्ठ नागरिकांच्या हस्ते या कामाचा शुभारंभ झाला. 

याप्रसंगी माजी नगरसेविका स्मिता भावे, सामाजिक कार्यकर्ते समाधान आवळे, राजाभाऊ आलुरे, नागनाथ तांबे, नानाभाऊ शिंदे, रामेश्‍वर झाडे, शंकर मोलकरी, तुकाराम सरवदे, शिवलिंग शिवपुरे, पवन आलुरे, सागर सुरवसे, शिरीष सुरवसे व नागरिक मोठ्या संख्येने उपस्थित होते.

याप्रसंगी नगरसेविका आवळे म्हणाल्या, या कामासाठी चार लाख रुपये खर्च येणार आहे. अण्णाभाऊ साठे नागरी वस्ती सुधार योजनेचा लाभ यापूर्वी शहराच्या विशिष्ट भागातच होत होता. आमदार विजयकुमार देशमुख यांनी विशेष प्रयत्न करुन शहरातील इतर भागात वसलेल्या दलित वस्त्यांचा विकास व्हावा म्हणून ही योजना आखण्यास शासन दरबारी पाठपुरावा केला. त्यांच्यामुळे आज शहराच्या सर्व भागातील दलित वस्त्यांचा विकास होत आहे. या वस्त्यांमध्ये राहणाऱ्या दलित बांधवांना मुख्य प्रवाहात आणून त्यांच्यापर्यंत शासकीय योजनांचा लाभ पोहोचविण्याचे विशेष प्रयत्न आमदार देशमुख करीत आहेत. शहरातील दलित वस्तींचा चेहरामोहरा बदलून कायापालट होत असल्याचेही नगरसेविका आवळे यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com