सोलापूर : सोलापूर शहर व जिल्ह्यात कोरोनामुळे मयत होण्याचे प्रमाण काही केल्या कमी होताना दिसत नाही. बाधितांची संख्या वाढल्याने मयत झालेल्या व्यक्तींचा टक्का कमी झाला असला तरीही कोरोनामुळे बळी जाण्याचे प्रमाण आजही पूर्वी प्रमाणेच कायम आहे. ग्रामीण भागातील 15 तर महापालिका हद्दीतील 3 अशा एकूण 18 जणांचा कोरोनामुळे बळी गेल्याचे आजच्या अहवालानूसार स्पष्ट झाले आहे.
कोरोनामुळे आतापर्यंत जिल्ह्यातील 1 हजार 47 जणांचा बळी गेला आहे. त्यामध्ये ग्रामीण भागातील 587 तर महापालिका हद्दीतील 460 रुग्णांचा समावेश आहे. आज ग्रामीण भागात 472 तर महापालिका हद्दीत 51 असे एकूण 523 नवे कोरोना बाधित आढळले आहेत. एकूण बाधितांची संख्या आता 29 हजार 309 झाली आहे. त्यापैकी 20 हजार 462 जणांनी कोरोनावर मात केली आहे.
रुग्णालयात सध्या 7 हजार 800 जणांवर उपचार सुरु आहेत.
ग्रामीण भागातील 6 हजार 867 तर महापालिका हद्दीतील 933 जणांवर सध्या उपचार सुरु आहेत. कोरोना चाचणीचे 91 अहवाल प्रलंबित आहेत. सर्व अहवाल ग्रामीण भागातील आहेत. आजच्या अहालानूसार 564 जण कोरोनामुक्त झाले आहेत. त्यामध्ये ग्रामीण भागातील 531 तर महापालिका हद्दीतील 33 जणांचा समावेश आहे. शहर व जिल्ह्यातील 2 लाख 8 हजार 113 कोरोना चाचणी अहवाल निगेटिव्ह आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
