बार्शी तालुक्‍यात कोरोनाचा कहर सुरूच; मंगळवारी आढळले 16 रुग्ण, एकूण संख्या 213 

Corona's havoc continues in Barshi taluka 16 patients found on Tuesday total number 213
Corona's havoc continues in Barshi taluka 16 patients found on Tuesday total number 213

बार्शी (सोलापूर) : बार्शी शहर आणि तालुक्‍यात कोरोनाने थैमान घातले असून मंगळवारी पुन्हा 16 रुग्ण कोरोना पॉझिटिव्ह आढळले आहेत. शहरातील चार व ग्रामीण भागातील बारा जणांचा रिपोर्ट पॉझिटिव्ह आला असून तालुक्‍यात एकूण कोरोनाबाधितांची संख्या 213 झाली आहे, अशी माहिती तालुका वैद्यकीय अधिकारी डॉ. संतोष जोगदंड यांनी दिली. 
शहरातीत म्हाडा कॉलनी एक पुरुष, कसबापेठ एक स्त्री, नागणे प्लॉट एक पुरुष व बारंगुळे प्लॉट एक स्त्री असे चार जण तर ग्रामीण भागातील घाणेगाव येथील दोन पुरुष व दोन स्त्रीया, गुळपोळी एक स्त्री, पानगांव एक स्त्री, पिंपरी साकत एक पुरुष व एक स्त्री, सासुरे दोन पुरुष, वैराग एक पुरुष, बाभळगाव एक स्त्री असे बारा जण कोरोनाबाधित आढळले आहेत. बार्शी शहर व वैराग येथे 163 जणांवर उपचार सुरु असून 42 जण बरे होऊन घरी गेले आहेत. आरोग्य प्रशासनाने शहरात 38 ठिकाणी प्रतिबंधित क्षेत्र घोषित केले असून पोलिस बंदोबस्त तैनात करण्यात आला आहे, अशी माहितीही डॉ. जोगदंड यांनी दिली. 
शहर व तालुक्‍यातील दररोज वाढणारी कोरोनाग्रस्तांची संख्या लक्षात घेता प्रत्येक नागरिकाने व व्यापाऱ्यांनी स्वयंशिस्त पाळून सोशल डिस्टन्स, सॅनिटायझरचा वापर, तोंडाला मास्क, गर्दी करून उभा राहू नये याची काळजी घेणे जरुरीचे आहे. असे केले तर प्रशासनाला मदत होईल, असे आवाहन ग्रामीण रुग्णालयाच्या अधीक्षिका डॉ. शीतल बोपलकर यांनी केले केले. 

संपादन : वैभव गाढवे 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com