नाट्यपरिषदेची निवडणूक अखेर बिनविरोध

सोलापूर : अखिल भारतीय नाट्य परिषदेच्या उपनगरीय शाखेची पंचवार्षिक निवडणूक बिनविरोध करण्यास अखेर यश आले. परिषदेच्या 19 जागांसाठी 34 उमेदवारांनी अर्ज दाखल केले होते. मात्र, 15 उमेदवारांनी अर्ज माघार घेतल्याने ही निवडणुक बिनविरोध करण्यात आल्याची माहिती निवडणूक निर्णय अधिकारी प्रा. डॉ. राजेंद्र शेंडगे आणि सहायक निवडणूक निर्णय अधिकारी व्यंकटेश गाजूल यांनी दिली. 

हे ही वाचा... डाॅ. महास्वामींच्या फिर्यादीवर आज सुनावणी 

निवडणुकीसाठी मोठ्या प्रमाणावर पैसा खर्च होतो. अखिल भारतीय नाट्य परिषद उपनगरीय शाखेच्या निवडणुकीसाठी ज्या उमेदवारांनी अर्ज दाखल केले होते ते सर्व उमेदवार कलाकार आहेत. त्यांना हा निवडणुकीचा खर्च परवडणार नाही यासाठी ही निवडणूक बिनविरोध करण्यासाठी नाट्य परिषदेचे सल्लागार दिलीप कोल्हे, दिलीप पानसे, अनिल पानसे, नंदकुमार मुस्तारे, प्रशांत बडवे यांनी परिश्रम घेतले. 

हे ही वाचा... सोलापूरच्या तेजस्विनीला ललित कला अकादमीचा राष्ट्रीय पुरस्कार

दरम्यान, नाट्यपरिषदेच्या अध्यक्ष व कार्यकारिणीची निवड शनिवारी (ता. 7) होणार आहे. अध्यक्षपदासाठी विद्यमान अध्यक्ष विजयकुमार साळुंखे यांचे नाव चर्चेत असल्याची माहिती सूत्रांनी दिली. 

यांची झाली बिनविरोध निवड 
गुरूनाथ वठारे, किरण लोंढे, विजयकुमार साळुंखे, शोभा बोल्ली, सुशांत कुलकर्णी, कृष्णा हिरेमठ, प्रशांत शिंगे, राजासाहेब बागवान, अशुतोष नाटकर, अनुजा मोडक, मीरा शेंडगे, शशिकांत पाटील, अमोल राजमाने, दिनेश शिंदे, संदीप जाधव, मनीषा जोशी, नरेंद्र गंभिरे, प्रसाद कुलकर्णी. 

यांनी घेतली माघार 
शिवाजी उपरे, श्रुती मोहोळकर, वल्लभ सांजेकर, विश्‍वास पाळंदे, पंचप्पा मेणसे, नागनाथ पाटील, रूद्रा अंबादास, अनिल पानसरे, सचिन पुराणिक, दिनेश रसाळ, आनंद मुस्तारे, इम्तियाज मालदार, महेश निकंबे, राजेश जाधव.