सोलापूर : कोरोना विषाणूचा संसर्ग रोखण्यासाठी जाहीर केलेल्या लॉक डाउन/ संचारबंदीमधून शेतीविषयक कामांना मोठी सवलत व मोकळीक देण्याचा निर्णय सोलापूरचे जिल्हाधिकारी मिलिंद शंभरकर यांनी घेतला आहे. या निर्णया मुळे आता खरीपाची तयारी करणे शेतकऱ्यांना सुलभ झाले आहे.
कृषी उत्पादन, वितरण, वाहतूक यांना मुक्त परवानगी देण्यात आली आहे. शेतमालाची किरकोळ विक्री, विविध कृषी, यंत्र सामुग्री व उपकरणे यांची विक्री तसेच कापणीनंतरची काढणी प्रक्रिया करणे, पेरणीपूर्व उपक्रम यामध्ये मजुरांची हालचाल, बियाणे, खते यांची वाहतुक व विक्री करण्यास परवानगी देण्यात आली आहे. सर्व कृषी सेवा केंद्र तसेच इतर कृषी यंत्रांची विक्री व दुरुस्‍ती करण्यासाठीची दुकाने व इतर उपकरणांचे दुकाने गर्दी टाळण्यासाठी पूर्णवेळ चालू ठेवण्याचा निर्णयही जिल्हाधिकारी शंभरकर यांनी घेतला आहे.
सर्व कृषी कृषी पूरक उद्योगासाठी लागणाऱ्या मजुरांशी निगडित कर्मचारी संबंधित अस्थापनाधारक यांची मुक्त हालचाल सुलभ होण्यासाठी स्थानिक/संबंधित कृषी अधिकारी यांनी दिलेल्या पास अधिकृत धरावा अशी सूचनाही जिल्हाधिकारी शंभरकर यांनी केली आहे. प्रतिबंधित क्षेत्र वगळून इतर ग्रामीण भागासाठी हा निर्णय घेण्यात आला असल्याची माहिती जिल्हाधिकारी शंभरकर यांनी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.