#Solapur : विमानतळातील गवताला लागली आग

सोलापूर : होटगी रोडवरील विमानतळाच्या परिसरात वाळलेल्या गवताला आग लागली. ही घटना सोमवारी सायंकाळी घडली असून सात गाड्या पाणी मारल्यानंतर आग अटोक्‍यात आली आहे. 

होटगी रोडवरील विमानतळावरील गवताला आग लागल्याचे माहिती कळताच अग्निशमन दलाचे पथक रवाना झाले. अग्निशमन दलाचे पथक घटनास्थळी जाईपर्यंत बरेच अंतर गवत जळाले होते. ही आग रस्त्यावरून जाणाऱ्या नागरिकाने काठी ओढून टाकल्याने लागल्याचा अंदाज असल्याचे अग्निशमन दलाचे प्रमुख केदार आवटे यांनी सांगितले. आग विझवण्यासाठी सात गाड्या पाणी मारण्यात आले आहे.