कुर्डुवाडी (सोलापूर) : दुकान बंद करून दुचाकीवरून घरी परतणाऱ्या एका प्रतिष्ठित किराणा व्यापाऱ्यावर बंदुकीतून दोन गोळ्या झाडून त्यांच्या हातातील पिशवी पळवून नेली असल्याची घटना कुर्डुवाडीत घडली. याची माहिती कुर्डुवाडी पोलिस ठाण्याचे पोलिस निरीक्षक रवींद्र डोंगरे यांनी दिली आहे. यामध्ये किराणा व्यापारी जखमी झाला असून कुर्डुवाडी येथील खासगी रुग्णालयात त्यांच्यावर प्राथमिक उपचार करून पुढील उपचारासाठी सोलापूर येथे नेण्यात आले आहे. प्रवीण काशिनाथ ढवळसकर (रा. कुर्डुवाडी), असे त्यांचे नाव आहे.
घटना टेंभुर्णी रस्त्यालगतच्या परिसरात मंगळवारी (ता. 23) रात्री नऊच्या सुमारास घडली.
ढवळसकर व त्यांचे भाऊ हे दोघे टेंभुर्णी रस्त्यालगत असलेले दुकान बंद करून दुचाकीवरून घरी परतत होते. टेंभुर्णी रस्त्यावरून घराकडे जाणाऱ्या अंतर्गत रस्त्यावर वळण घेऊन आत जात असताना दुचाकीवरून आलेल्या तिघे ढवळसकर यांच्याकडील पिशवी हिसकावून घेत दोन गोळ्या झाडून पळून गेले. यामध्ये ढवळसकर हे काखेखाली गोळी लागल्याने जखमी झाले. पिशवीतील पैसे की कागदपत्रे चोरीला गेली, याचा तपशील मात्र समजू शकला नाही. किराणा व्यापारी असोसिएशनचे सचिव अनुप दोशी म्हणाले, किराणा व्यापाऱ्यावर झालेल्या हल्ल्याच्या निषेधार्थ बुधवारी सर्व किराणा दुकाने बंद ठेवणार आहोत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
