खासदारांच्या याचिकेवर 13 मार्चला सुनावणी 

सोलापूर : भाजपचे खासदार डॉ. जयसिध्देश्‍वर महास्वामी यांच्या उच्च न्यायालयातील याचिकेवर सोमवारी (ता. 2) सुनावणी पार पडली. त्याचवेळी तहसिलदारांनी दाखल केलेल्या सोलापूर न्यायालयातील याचिकेवरही सुनावणी झाली. उच्च न्यायालयाने डॉ. महास्वामी यांच्या वकिलांचा युक्‍तीवाद ऐकून घेतला. 7 मार्चपर्यंत प्रतिवाद्यांना नोटीस बजावावी, या प्रकरणावर पुढील सुनावणी 13 मार्चला होईल, असे स्पष्ट केले. 

हेही नक्‍की वाचा : पाच दिवसांचा आठवडा : 'बायोमेट्रिक'ची सक्‍ती 

जात पडताळणी समितीच्या आदेशानुसार अक्‍कलकोट येथील तहसिलदारांनी खासदार डॉ. महास्वामी यांच्याविरुध्द सोलापूर न्यायालयात फिर्याद दिली नसल्यास ती देऊ नये, असे उच्च न्यायालयाने सांगितले. परंतु, तहसिलदार श्री. सिरसाट यांनी फिर्याद दिल्याने त्यावर रितसर कार्यवाही व्हावी, असेही उच्च न्यायालयाने स्पष्ट केले. दरम्यान, या प्रकरणी शुक्रवारी (ता. 13) सुनावणी होईल. तत्पूर्वी, प्रतिवाद्यांना 7 मार्चपर्यंत नोटीस बजावावी, असे निर्देश उच्च न्यायालयाने दिले. खासदार डॉ. महास्वामी यांच्यातर्फे ऍड. संतोष न्हावकर,ख ऍड. ढाकेफाळकर, ऍड. अनुप पाटील काम पाहत आहेत. 

हेही नक्‍की वाचा : बळीराजा चिंतेत ! अवकाळी मदतीसाठी पैसेच नाहीत 

बुधवारी सोलापूर न्यायालयात सुनावणी 
लोकसभा निवडणुकीचा अर्ज करताना डॉ. जयसिध्देश्‍वर महास्वामी यांनी जातीचा बनावट दाखला दिला. बनावट दाखला तयार केल्याप्रकरणी अक्कलकोटचे प्रभारी तहसीलदार बाळासाहेब सिरसाट यांनी सोमवारी (ता. 2) सोलापूर जिल्हा न्यायालयात रितसर खासगी फिर्याद दाखल केली. त्यावर 4 फेब्रुवारी रोजी प्रथम आदेश होणार आहे. जात पडताळणी समितीच्या आदेशानुसार अक्कलकोटच्या तहसिलदारांनी मुख्य न्यायदंडाधिकारी के. पी. जैन- देसरडा यांच्या न्यायालयात खासदार डॉ. महास्वामींविरोधात फिर्याद दाखल केली. अनुसूचित जाती जमाती प्रतिबंधक कायदा कलम 11, फसवणूक आणि बनावट दस्तऐवज तयार केल्याप्रकरणी ही फिर्याद दिली आहे.