सोलापूर : एमआयडीसी परिसरातील शिवलिंग नगरातील 54 वर्षीय पुरुषाच्या छातीत अचानकपणे 11 नोव्हेंबरला दुखू लागले. त्यांना तीन वर्षांपासून ह्दविकाराचा त्रास होता. बुधवारी (ता. 11) ते मार्कंडेय रुग्णालयात उपचारासाठी दाखल झाले, मात्र उपचारादरम्यान त्यांचा मृत्यू झाला. त्यांचा कोरोना अहवाल पॉझिटिव्ह आला. दरम्यान, शहरात 370 संशयितांची आज टेस्ट झाली. त्यात 20 पॉझिटिव्ह तर एकाचा मृत्यू झाला आहे. तापसदृश्‍य आजारासंबंधी संशय वाटल्यास संबंधितांनी तत्काळ रुग्णालयात जाऊन उपचार घ्यावेत, असे आवाहन महापालिकेच्या आरोग्य विभागाकडून करण्यात आले आहे.
ठळक बाबी...
शहरात आज अवसे वस्ती (देगाव नाका), सवेरा नगर (सैफूल), प्रल्हाद नगर (एसआरपी कॅम्प परिसर), पारशी विहिरीजवळ (नई जिंदगी), लष्कर (दक्षिण सदर बझार), गांधी नगर, बेन्नूर नगर (नवीन आरटीओ कार्यालयाजवळ), अण्णासाहेब शाळेमागे, नारायण अपार्टमेंट (साखर पेठ), निर्मिती टॉवर (मोदीखाना) आणि मड्डे वस्ती, लोखंडवाला कॉम्प्लेक्‍स (जुळे सोलापूर), लोधी गल्ली (उत्तर सदर बझार) आणि उत्तर कसबा याठिकाणी नव्या रुग्णांची भर पडली आहे. त्यातील लोधी गल्ली, प्रल्हाद नगरात प्रत्येकी दोन तर उत्तर कसबा आणि लष्कर परिसरात प्रत्येकी तीन रुग्ण आढळले आहेत. सध्या शहरातील रुग्णांच्या संपर्कातील 104 संशयित होम क्‍वारंटाईन असून 45 संशयित इन्स्टिट्यूशनल क्‍वारंटाईनमध्ये आहेत. 24 जण होम आयसोलेशनमध्ये आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.