esakal | महावितरणने साधला उद्योजकांशी संवाद
sakal

बोलून बातमी शोधा

महावितरणने साधला उद्योजकांशी संवाद

सोलापुरातील १६० जणांचा सहभाग

सर्व वर्गवारीतील वीजग्राहकांशी संवाद साधण्यासाठी वेबिनार किंवा व्हीडीओ कॉन्फरन्सिंगचे आयोजन करण्याचे आदेश राज्याचे ऊर्जामंत्री डॉ. नितीन राऊत यांनी दिले होते. त्याप्रमाणे उद्योजक व मोठ्या वीजग्राहकांसाठी प्रादेशिक कार्यालय स्तरावर वेबिनार संवादाचे आयोजन केले होते. यात सोलापूर जिल्ह्यातील चिंचोलीकाटी, अक्कलकोट रोड, टेंभूर्णी एमआयडीसी व इतर भागातील 160 उद्योजक व मोठे ग्राहक सहभागी झाले होते.

महावितरणने साधला उद्योजकांशी संवाद

sakal_logo
By
सकाळवृत्तसेवा

सोलापूर ः औद्योगिक व उच्चदाब वीजग्राहक हे महावितरणसाठी महत्वाचे आहे. कोरोनाच्या सावटामुळे बंद असलेले उद्योग व मोठे व्यवसाय हळूहळू सुरु होत आहे. त्यामुळे या ग्राहकांकडे विशेष लक्ष देऊन अखंडित वीजपुरवठा करण्यासोबतच मीटर रिंडीग व बिलिंगसंदर्भातील प्रश्न तत्परतेने सोडविण्यास प्साराधान्ठीय दिले जाईल अशी ग्वाही पुणे येथील प्रादेशिक संचालक अंकुश नाळे यांनी वेबिनार संवादात दिली.

पश्चिम महाराष्ट्रातील उद्योजक तसेच माहिती तंत्रज्ञान कंपन्या, मोठे मॉल्स व व्यावसायिक अशा वीजग्राहकांशी महावितरणकडून व्हीडीओ कॉन्फरन्सिंगद्वारे विविध प्रश्नांवर चर्चा व संवादाचे आयोजन केले होते. यामध्ये सोलापूर जिल्हयातील सुमारे 160 वीजग्राहकांसह पश्चिम महाराष्ट्रातील सुमारे 920 उद्योजक व ग्राहकांनी सहभाग घेतला. त्यांच्यासोबत प्रादेशिक संचालक नाळे यांनी थेट संवाद साधला. यावेळी बारामती परिमंडलाचे मुख्य अभियंता सुनील पावडे, सोलापूरचे अधीक्षक अभियंता ज्ञानदेव पडळकर, सोलापूर चेंबर चेंबर अॉफ कॉमर्सचे अध्यक्ष राजू राठी, पाॉवरलूम फेडरेशनचे अध्यक्ष पेंटप्पा गड्डम, सोलापूर औद्योगिक संघटनेचे अध्यक्ष केशव रेड्डी, सहकारी साखर कारखान्याचे प्रतिनिधी अखिल बिटे, रुग्णालये प्रतिनिधी समीर इनामदार उपस्थित होते.

या वेबिनारमध्ये सोलापूर जिल्ह्यातील एमआयडीसी व उद्योग परिसरात विविध योजनांमधून झालेली व प्रस्तावित वीजयंत्रणांची कामे आदींसह नवीन वीजदर निश्चितीकरणात उद्योगांसाठी असणारी सवलत, स्वतंत्र वेबपोर्टल, विविध ग्राहकसेवा आदींची सादरीकरणातून माहिती देण्यात आली. तसेच केडब्लूएचऐवजी केव्हीएच प्रणालीनुसार सुरु असलेली बिलींग आकारणी, लॉकडाऊन कालावधीतील स्थिर आकाराबाबत विविध प्रश्नांचे व शंकांचे प्रादेशिक संचालक श्री. नाळे यांच्याकडून निरसन करण्यात आले. यावेळी उद्योजकांनी वीजपुरवठा व बिलींगबाबत विविध प्रश्न, अडचणी व समस्यांचा प्रादेशिक संचालक नाळे यांनी जागेवरच आढावा घेतला व त्याच्या निराकरणासाठी अधिकाऱ्यांना विविध उपाययोजनांचे आदेश दिले. वेबिनारद्वारे थेट संवाद साधून विविध प्रश्न व समस्या निकाली काढण्याच्या महावितरणच्या उपक्रमाचे उद्योजकांनी स्वागत केले व समाधान व्यक्त केले. यापुढे प्रादेशिक कार्यालयस्तरावर दर तीन महिन्यांनी वेबिनार आयोजन करून उद्योग व महत्वाच्या ग्राहकांचे प्रश्न सोडविण्यात येईल, असेही श्री. नाळे यांनी सांगितले.