esakal | महावितरणने ग्राहकांसाठी हे करायलाच हवे... 
sakal

बोलून बातमी शोधा

महावितरणने ग्राहकांसाठी हे करायलाच हवे... 

सोलापूर ः वीज ग्राहकांना अखंडित वीजपुरवठा देण्यासाठी आवश्‍यक त्या सर्व उपाययोजना अत्यंत प्रभावीपणे करा. वीज जाण्याची पूर्वसूचना ग्राहकांना मिळालीच पाहिजे. यासाठी यंत्रणा अधिक कार्यक्षम बनवा. ज्या ठिकाणी अधिकाऱ्यांची व कर्मचाऱ्यांची अकार्यक्षमता दिसून येत असेल त्यांच्यावर कठोर कारवाई करण्याचे आदेश ऊर्जामंत्री डॉ. नितीन राऊत यांनी महावितरणच्या अधिकाऱ्यांच्या आढावा बैठकीत दिले. 

महावितरणने ग्राहकांसाठी हे करायलाच हवे... 

sakal_logo
By
सकाळवृत्तसेवा

सोलापूर ः वीज ग्राहकांना अखंडित वीजपुरवठा देण्यासाठी आवश्‍यक त्या सर्व उपाययोजना अत्यंत प्रभावीपणे करा. वीज जाण्याची पूर्वसूचना ग्राहकांना मिळालीच पाहिजे. यासाठी यंत्रणा अधिक कार्यक्षम बनवा. ज्या ठिकाणी अधिकाऱ्यांची व कर्मचाऱ्यांची अकार्यक्षमता दिसून येत असेल त्यांच्यावर कठोर कारवाई करण्याचे आदेश ऊर्जामंत्री डॉ. नितीन राऊत यांनी महावितरणच्या अधिकाऱ्यांच्या आढावा बैठकीत दिले. 

ऊर्जामंत्री डॉ. राऊत यांनी व्हीडीओ कॉन्फरसिंगद्वारे महावितरणच्या विविध कामांचा आढावा घेतला. ज्या भागात वसुलीचे प्रमाण कमी आहे, तेथील लोकप्रतिनिधींना विश्‍वासात घेऊन वसुलीचे प्रमाण वाढविण्यासाठी प्रयत्न करण्याचे आदेशही त्यांनी दिले. 

वीज ग्राहकांनाचा सुरळीत वीजपुरवठा मिळत नाही, ही गंभीर बाब आहे. त्यामुळे ग्राहकांना अखंडित वीजपुरवठा देण्यासाठी अधिकारी व कर्मचाऱ्यांनी अधिक सक्रियपणे कामे करावी. ज्या एजन्सीकडे ही कामे दिली आहेत, त्यांच्यावर जबाबदारी निश्‍चित करून कामांची गुणवत्ता तपासा आणि कामे संथपणे करीत असतील त्या एजन्सीला ब्लॅकलिस्ट करा, असे स्पष्ट आदेशही ऊर्जामंत्र्यांनी दिले. राज्यातील ज्या जिल्ह्याचे तापमान सरासरी 45 अंशापेक्षा अधिक आहे, अशा जिल्ह्यातील ग्राहकांचा वीजपुरवठा खंडित होण्याचे प्रमाण अत्यल्प ठेवण्यासाठी विशेष योजना आखण्याचे आदेशही ऊर्जामंत्र्यांनी दिले. 

यावेळी महावितरणच्या विविध योजनांच्या प्रगतीचा आढावा ऊर्जामंत्र्यांनी घेतला. तसेच महावितरणमधील कर्मचारी संख्या, रिक्त पदे यांचाही आढावा ऊर्जामंत्र्यांनी घेतला. तसेच मागासवर्गीयांना पदोन्नती देण्याबाबत प्राधान्याने कारवाई करावी, असे आदेशही त्यांनी दिलेत. महावितरणची गंभीर आर्थिक स्थिती लक्षात घेऊन मनुष्यबळाचा आढावा घेण्यासही त्यांनी सांगितले. 

go to top