अल्पसंख्याक उमेदवारांसाठी गुरुवारपासून ऑनलाईन रोजगार मेळावा 

सोलापूर : जिल्ह्यातील अल्पसंख्याक समाजातील बेरोजगारांसाठी जिल्हा कौशल्य विकास रोजगार व उद्योजकता मार्गदर्शन केंद्रामार्फत 29, 30, 31 ऑक्‍टोबर आणि 1,2,3 नोव्हेंबरला अल्पसंख्याक विशेष ऑनलाईन रोजगार मेळावा होणार आहे. जिल्ह्यातील नोकरी इच्छुकांनी ऑनलाईन रोजगार मेळाव्याचा लाभ घेण्याचे आवाहन निवासी उपजिल्हाधिकारी अजित देशमुख यांनी केले आहे. 

लॉकडाऊननंतर शासनाने काही अटी व शर्तीच्या अधिन राहून कंपन्या/ औद्योगिक आस्थापना, व्यवसाय उद्योग सुरु करण्यास मान्यता दिलेली आहे. नव्याने व्यवसाय, उद्योग सुरु करताना जिल्ह्यातील आस्थापनामध्ये मोठ्या प्रमाणात मनुष्यबळाची गरज निर्माण झाली असून स्थानिक बेरोजगार उमेदवारांना रोजगार उपलब्ध होण्याच्या दृष्टीने ऑनलाईन रोजगार मेळाव्याचे आयोजन करण्यात आले आहे. 

ऑनलाईन रोजगार मेळाव्यात जास्तीत जास्त बेरोजगार उमेदवारांनी http://rojgar.mahaswayam.gov.in या संकेतस्थळावर ऑनलाईन नोंदणी करुन सहभागी व्हावे, अधिक माहितीसाठी 0217-2622113 या दूरध्वनीवर अथवा solapurrojgar1@gmail.com या ईमेल आयडीवर संपर्क साधावा, असे आवाहन कौशल्य विकास, रोजगार व उद्योजकता विभागाचे सहायक आयुक्त सचिन जाधव यांनी केले आहे.