कोरोना तपासणी केंद्राला सोलापुरात विरोध

सोलापूर : महाराष्ट्रात काही शहरांमध्ये कोरोनाचे रुग्ण आढळल्याने भितीचे वातावरण निर्माण झाले आहे. या कोरोनाची स्टेस्ट करण्यासाठी सध्या वेगळ्या लॅबॉरटेरीजची गरज आहे. मोजक्याच असलेल्या अशा लॅब्जवर ताण पडत आहे. त्यामुळो सोलापूर जिल्हा प्रशासनाने अशा प्रकारची सुविधा असणारे केंद्र शहरात उभारण्याचा निर्णय घेतला होता. मात्र काही नागरीकांनी त्याला विरोध केला आहे. कवेळ गैरसमजातून हा विरोध होत असून नागरीकांना आता कोण समजविणार असा प्रश्न निर्माण झाला आहे.
सोलापुरात कोरोनाच्या तपासणी आणि निदान केंद्राला स्थानिक नागरिकांचा विरोध होताना पाहायला मिळतोय. जिल्हा प्रशासनाने कोरोनाचे उपचार केंद्र शहरातील कुमार चौकातील बंद स्थितीत असलेल्या वाडिया रुग्णालयात नियोजित केल्याची चर्चा परिसरात पसरली. त्यामुळे वाडिया हॉस्पिटल परिसरात राहणारे शेकडो नागरिक आक्रमक झाले. कोरोना रुग्ण उपचार केंद्र हे शहराच्या मध्यवर्ती भागात न करता शहराबाहेर करावे, अन्यथा आमच्या रोषाला सामोरे जावे लागण्याचा इशाराही स्थानिकांनी दिला.