सोलापूर : करमाळा तालुक्‍यातील वांगी क्रमांक चार येथे ठार करण्यात आलेल्या बिबट्यानेच 12 जणांचे बळी घेतले आहेत. मृत बिबट्याचे पोस्टमॉर्टेम झाले असून, तो नर जातीचा आहे. हा बिबट्या नरभक्षक कसा झाला, याचा शोध सुरू आहे, अशी माहिती वनविभागाचे उपवनसंरक्षक धैर्यशील पाटील यांनी पत्रकार परिषदेत दिली.
श्री. पाटील म्हणाले, वांगी क्रमांक चार येथे ठार केलेल्या बिबट्यानेच 12 जणांचे बळी घेतले आहेत. मृत बिबट्याला करमाळा मार्गे सोलापुरात आणले असून, सोलापुरातील पशुवैद्यकीय अधिकाऱ्याने बिबट्याचे पोस्टमॉर्टेम केले आहे. पूर्ण वाढ झालेला हा नर बिबट्या नरभक्षक का झाला याचा शोध सुरू आहे. जुन्नर, अहमदनगर, पुणे, करमाळा व माढा परिसरात बिबट्यासह वन्य प्राण्यांचा अधिवास आहे. त्यामुळे या वन्य प्राण्यांपासून नागरिकांनी दक्षता घ्यावी. वन्य प्राण्यांच्या हल्ल्यामध्ये जनावरे मृत झाल्यास वन विभागाला माहिती द्यावी.
श्री. पाटील म्हणाले, उजनी धरण परिसरात व जंगल भाग असलेल्या परिसरात आणखी वन्य प्राणी असण्याची शक्‍यता आहे. त्यामुळे पुणे, अहमदनगर व सोलापूर येथील उपवनसंरक्षकांच्या माध्यमातून यापुढेही गस्त सुरू राहील.
संपादन : श्रीनिवास दुध्याल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.