अक्कलकोट (सोलापूर) : अक्कलकोट तालुक्याचा मुख्य हंगाम हा खरीपच आहे. त्याला पूरक असा आजचा रोहिणी नक्षत्राचा पाऊस झाला. अनेक गावांत ढगांच्या गडगडाटासह 25 मिनिटे ते अर्धा तास चांगला पाऊस झाला आहे.
खरीप पेरणी मशागतीला प्रारंभ
शेतकरी बंधूंना खरीप पेरणी मशागत, काही उभ्या पिकांना एक पाणी देणे तसेच कांदा व मिरची रोपे तयार करणे आदी गोष्टी करण्यासाठी पाऊस लाभदायी ठरला आहे. सकाळपासून ढगाळ वातावरण होते. त्यात अचानक दुपारी बारानंतर सर्वत्र आभाळ भरून आले आणि एक मध्यम स्वरूपाचा चांगला पाऊस झाला. त्याने मागील 10-15 दिवसांपासून प्रचंड उन्हाच्या झळाने आणि उकाड्याने त्रस्त झालेल्या नागरिकांना थोडा दिलासा मिळाला.
हेही वाचा : उर्जा क्षेत्राचे होणार खासगीकरण
यापरिसरात झाला पाऊस
अक्कलकोट शहरात मात्र पाऊस झाला नाही. मात्र, ग्रामीण भागातील जेऊर, तडवळ, केगाव, नावदगी, गौडगाव, दुधनी, कुरनूर, करजगी, घुंगरेगाव, शेगाव, चुंगी व कल्लहिप्परगी आदींसह अनेक भागांत पाऊस झाला आहे. हा पाऊस खरिपाच्या मशागतीसाठी पोषक आहे. तसेच ऊस, फळबागा व चारा पिके यासाठी उपयुक्त आहे.
मोहोळ तालुक्यातही पाऊस
जिल्ह्यातील मोहोळ तालुक्यातही दुपारी रोहिणीच्या पावसाला सुरवात झाली. तालुक्यातील अनेक ठिकाणी पाऊस पडल्याने काही प्रमाणात वातावरणात गारवा निर्माण झाला होता. कुरूल, कामती परिसरात मोठ्या प्रमाणात पाऊस झाला असून अन्य ठिकाणी तुरळक प्रमाणात पाऊस पडला आहे. यामुळे शेतकऱ्यांनी खरीप पेरणीची तयारी केली आहे. सकाळपासून तालुक्यात ढगाळवातावरण होते. त्यामुळे उकाडा जाणवत होता. या उकाड्यापासून नागरिकांना सुटका मिळली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
