सोलापूर : दसरा, दिवाळी, लग्नसराई तोंडावर असल्याने व्यापाऱ्यांना दुकाने रात्री नऊ वाजेपर्यंत सुरु ठेवण्यास परवानगी परवानगी देण्यात आली आहे. आयुक्त पी. शिवशंकर यांनी आता नुकताच आदेश काढला. सिनेमागृहे मात्र बंदच राहतील, असेही आयुक्तांनी आदेशात नमूद केले आहे.
शहरातील शॉपिंग मॉल, मार्केट कॉम्प्लेक्स आता नऊ वाजेपर्यंत सुरु राहणार आहेत. त्यामुळे ग्राहकांनी खरेदीसाठी गर्दी करु नये, असे आवाहन करण्यात आले आहे. तर व्यापाऱ्यांनी सोशल डिस्टन्सिंग पाळावे, मास्क, सॅनिटायझरचा वापर करावा, अशा सूचनाही आयुक्तांनी दिल्या आहेत. ज्या ग्राहकांकडे मास्क नाही, त्यांना दुकानातील वस्तू विक्री करु नये, अशी सक्त ताकीदही आयुक्तांनी दिली आहे. शहरातील कोरोनाची स्थिती आता सर्वांच्या सहकार्यातून सुधारू लागली आहे. आगामी काळात शहर कोरोनामुक्त करण्याच्या हेतूने व्यापाऱ्यांसह सोलापुकरांनी सहकार्य करावे, असे आवाहन आयुक्तांनी यावेळी केले. दरम्यान, यापूर्वी राज्य सरकारच्या आदेशानुसार हॉटेल, बार, रेस्टॉरंन्टसाठी रात्री दहा-अकरा वाजेपर्यंत परवानगी देण्यात आली आहे. मात्र, दुकानांना सकाळी नऊ ते रात्री सात वाजेपर्यंतच परवानगी होती. त्यानंतर चेंबर ऑफ कॉमर्सच्या वतीने आयुक्तांना निवेदन देऊन वेळ वाढवून देण्याची मागणी केली. तत्पूर्वी, त्यांनी आमदार विजयकुमार देशमुख, सुभाष देशमुख, प्रणिती शिंदे, महापौर श्रीकांचना यन्नम यांना निवेदन दिले होते.
आयुक्तांचे धन्यवाद; व्यापाऱ्यांकडून होईल नियमांचे पालन
सणासुदीचे दिवस तोंडावर असून कोरोनाच्या लॉकडाउन काळात व्यावसायिकांचे मोठे नुकसान झाले आहे. त्यामुळे व्यापाऱ्यांना दुकाने सुरु ठेवण्याचा वेळ वाढवून मिळावा म्हणून लोकप्रतिनिधींसह महापालिका आयुक्तांना निवेदने दिली होती. त्याची दखल घेऊन आयुक्त पी. शिवशंकर यांनी दुकानांचा वेळ वाढविला आहे. व्यापाऱ्यांकडून सोशल डिस्टन्सिंगसह सर्व नियमांचे तंतोतंत पालन होईल, अशी ग्वाही चेंबर ऑफ कॉमर्सने दिली आहे. व्यापाऱ्यांसह लहान दुकानदारांनाही तसे आवाहन करण्यात आले आहे.
- राजू राठी, अध्यक्ष, चेंबर ऑफ कॉमर्स, सोलापूर
आदेशातील ठळक बाबी...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
