महापालिकेस राहिले नाही गांभीर्य! आज 489 टेस्ट; 66 पॉझिटिव्ह तर दोघांचा मृत्यू

सोलापूर : शहरातील चार हजार 175 पुरुषांना तर दोन हजार 970 महिलांना आतापर्यंत कोरोनाची बाधा झाली आहे. तर दुसरीकडे 291 पुरुष आणि 140 महिलांचा कोरोनाने मृत्यू झाला आहे. आज शहरातील 489 संशयितांची कोरोना टेस्ट पार पडली. त्यामध्ये 66 जण पॉझिटिव्ह आढळले असून दोघांचा मृत्यू झाला आहे. शहरातील कोरोनाचा संसर्ग पुन्हा वाढू लागला असतानाही महापालिकेकडून टेस्टिंग वाढविले जात नसल्याने चिंता व्यक्‍त केली जात आहे.

ठळक बाबी...

• शहरातील कोरोना पुन्हा डोके वर काढू लागला असतानाही टेस्टिंग सरासरी पाचशेपर्यंतच
• आज 489 संशयितांची टेस्ट; 66 जण नव्याने कोरोना पॉझिटिव्ह
• दक्षिण सदर बझार परिसरातील 90 वर्षीय महिला, शेळगी परिसरातील 61 वर्षीय पुरुषाचा मृत्यू
• आतापर्यंत शहरातील 69 हजार 447 संशयितांची झाली कोरोना टेस्ट
• शहरात सापडले आतापर्यंत सात हजार 145 रुग्ण; 431 रुग्णांचा कोरोनाने घेतला बळी
• आतापर्यंत पाच हजार 908 रुग्णांची कोरोनावर मात; 806 रुग्णांवर सुरू आहेत उपचार
•  

वर्धमान नगर (भवानी पेठ), नई जिंदगी, भाग्योदय सोसायटी, कुमठे, रामलाल चौक, उत्तर कसबा, ऋषिकेश नगर (हैदराबाद रोड), इंद्रधनू सिटी, जुनी मिल चाळ (मुरारजी पेठ), अण्णा कॉलनी, मुक्‍ती नगर (सैफूल), सत्तर फूट रोड, रेल्वे लाईन, सिंधू विहार, लक्ष्मी नगर (जुळे सोलापूर), हरिपदम रेसिडेन्सी (सम्राट चौक), नर्मदा कॉम्प्लेक्‍स (हैदराबाद रोड), ऋषी नगर (विकास नगर, होटगी रोड), इंद्रधनू (मरिआई चौक), मंत्री चंडक नगर (रुपाभवानी मंदिराजवळ), शंकर नगर, कल्याण नगर भाग-एक (होटगी रोड), शेळगी, जय मल्हार नगर, सुमित नरसिंग नगर, जुना पुना नाका, संगमेश्‍वर नगर, हनुमान नगर (कुमठा), एसआरपी कॅम्प, बाळीवेस, निरापाम सोसायटी, समता नगर, साईधन नगर (वियजपूर रोड), मोरया सोसायटी (विजापूर नाका), वसंत नगर (पोलिस लाईन), मोदी ग्रीन पार्क अपार्टमेंट, अनुविश्‍व सोसायटी (इंदिरा नगर), गुरुनानक नगर, विद्या नगर (उत्तर सदर बझार), साखर पेठ, रेल्वे हॉस्पिटलजवळ, ज्ञानेश्‍वर हौसिंग सोसायटी, गांधी नगर, सारथी अपार्टमेंट आणि शेळगी या परिसरात आज नव्या रुग्णांची भर पडली आहे.