अरे व्वा..! शेतमजुराचा मुलगा झाला पोलिस उपनिरीक्षक

पटवर्धन कुरोली (सोलापूर) : पुनर्वसित उजनी वसाहत (ता. पंढरपूर) येथील शेतमजुराच्या मुलाची महाराष्ट्र लोकसेवा आयोगाच्या वतीने घेण्यात आलेल्या पोलिस उपनिरीक्षक या परीक्षेत निवड झाली आहे.

हेही वाचा - "ती' प्रियकराला म्हणाली मला पळवून घेऊन जा...

छोट्याशा गावातील मुलाने मिळवले यश
उजनी धरणाच्या निर्मितीमुळे पटवर्धन कुरोलीजवळ पुनर्वसित झालेले उजनी वसाहत हे गाव. गावची लोकसंख्या जेमतेम पाचशे. या गावातील शेतमजुरी करणाऱ्या भाऊसाहेब जावळे यांचा नागनाथ भाऊसाहेब जावळे हा मुलगा होय. नागनाथचे पहिली ते चौथीपर्यंतचे शिक्षण उजनी वसाहत येथील जिल्हा परिषद शाळेत झाले. पाचवी ते दहावीपर्यंतचे शिक्षण पटवर्धन कुरोली प्रशाला येथे झाले. अकरावी- बारावीचे शिक्षण भोसे येथील रयत शिक्षण संस्थेच्या यशवंत महाविद्यालयात तर पदवीचे शिक्षण पंढरपूर येथील कर्मवीर भाऊराव पाटील महाविद्यालयात झाले. त्यानंतर त्याने पुणे येथील चाणक्‍य ऍकॅडमीला प्रवेश घेतला होता. उजनी वसाहतसारख्या छोट्याशा गावातून एका शेतमजुराच्या मुलाची पहिल्याच प्रयत्नात पोलिस उपनिरीक्षकपदी निवड झाल्याबद्दल त्याचे सर्व स्तरातून कौतुक होत आहे.