नातेपुते (सोलापूर) : अवैधरीत्या दुर्मिळ मांडूळ जातीच्या जिवंत सापाची 40 लाख रुपयांना विक्री करण्याच्या तयारीत असणाऱ्या तिघा जणांना माळशिरस पोलिसांनी अटक केली आहे.
याबाबतचे सविस्तर वृत्त असे, की सदाशिवनगर येथील पालखी मैदानावर शुक्रवारी (ता. 9) दुपारी तीन वाजता माळशिरस पोलिस ठाण्याचे सहाय्यक पोलिस निरीक्षक शशिकांत शेळके हे पेट्रोलिंग करीत असताना बातमीदारांकडून पालखी मैदानावर तीनजण मांडूळ जातीच्या जिवंत सापाची 40 लाख रुपयांना विक्री करण्यासाठी येत असल्याबाबत माहिती मिळाली.
मिळालेल्या खबरीनुसार पोलिस पालखी मैदानाकडे रवाना झाले. तेथे संतोष दत्तात्रेय टेळे (वय 24), पोपट रामा टेळे (वय 45, दोघे रा. मांडवे), प्रवीण तानाजी दडस (वय 26, रा. तामशिदवाडी) यांची चौकशी केली. त्यांच्याकडील गुलाबी रंगाच्या प्लास्टिकच्या किटलीत जिवंत साप आढळून आले. यातील एजंट तुषार लवटे हा पोलिसांना मिळून आला आहे. वरील मुद्देमाल वनपरिक्षेत्र अधिकारी यांच्याकडे दिलेला आहे.
ही कारवाई वरिष्ठांच्या मार्गदर्शनाखाली पोलिस उपअधीक्षक नीरज राजगुरू, पोलिस निरीक्षक विश्वंभर गोल्डे, सहाय्यक पोलिस निरीक्षक शशिकांत शेळके, सचिन हेंबाडे, समाधान शेंडगे, सोमनाथ माने, दत्तात्रय खरात व अमोल बकाल यांनी केली आहे.
संपादन : श्रीनिवास दुध्याल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.