ट्रक-दुचाकीला भीषण अपघात; एक जागीच ठार, विट्यातील घटना

विटा (सांगली) : ट्रक आणि दुचाकीत झालेल्या अपघातात दुचाकीस्वारचा ठार झाला आहे. नागेश अंकुश देवकुळे (वय ३८, नेवरी रोड, विटा, मुळ रा. साठेनगर, तासगांव) असे मृत दुचाकीस्वाराचे नाव आहे. हा अपघात काल (२८) रात्री साडे आठच्या सुमारास झाला. विटा - कऱ्हाड रस्त्यावरील रिलायन्स पेट्रोलपंपानजीक हा अपघात झाला. अपघातात जखमी झालेल्या देवकुळे यांना विटा ग्रामीण रूग्णालयात उपचारासाठी दाखल करण्यात आले. मात्र उपचारापूर्वीच त्यांचा मृत्यू झाल्याचे डॉक्टरांनी सांगितले. याबाबतची माहिती डॉ. ए. डी. पाटील यांनी विटा पोलिसांत दिली. खबर मिळताच पोलिस घटनास्थळी हजर झाले.  विटा पोलिसांनी या अपघाताची नोंद केली. या घटनेचा पुढील तपास पोलिस करत आहेत.  

हेही वाचा - सांगली : पलूस तालुक्‍याला सावकारीचा विळखा; टोळीला लगाम घालण्याची मागणी