बेळगाव : शिवसेना जिल्हा प्रमुख प्रकाश शिरोळकर यांच्या वाहनावर कन्नड संघटनेच्या कार्यकर्त्यांनी भ्याड हल्ला केला आहे. तसेच शिवसेना फलक आणि वाहनाला काळे फासण्यात आले आहे. त्यामुळे मराठी भाषिकातून तीव्र संताप व्यक्त होत आहे. सीमा लढ्याचा केंद्रबिंदू असणाऱ्या महापालिकेसमोर अनधिकृतरित्या लाल पिवळा ध्वज लावण्यात आल्यापासून कन्नड संघटनेच्या कार्यकर्त्यांनी विविध कारणांनी शहरांत दहशत माजविण्याचा प्रयत्न सुरू केला आहे.
सीमाभागात मराठी भाषिकांची संख्या मोठ्या प्रमाणात असल्याने शहरात मराठीसह कन्नड, इंग्रजी भाषेत फलक लावण्यात आले आहेत. मात्र मराठीची कावीळ झालेल्या कन्नड संघटनेच्या कार्यकर्त्यांनी मराठी विरोधात कोल्हेकुई करण्यास सुरुवात केली. तसेच मराठी फलकांना काळे फासले जात आहे. त्यामुळे गुरुवारपासून महाराष्ट्र एकीकरण समिती आणि शिवसेना कार्यालयाजवळ पोलिस बंदोबस्त ठेवण्यात आला होता. आज (शुक्रवारी) दुपारी खडे बाजार पोलिस स्थानकातून शिवसेना जिल्हाप्रमुख शिरोळकर यांना शिवसेनेची रुग्णवाहिका बाजूला लावा असे सांगण्यात आले. त्यामुळे शिरोळकर, प्रवीण तेजम रामलिंगखिंड गल्ली येथील शिवसेना कार्यालयाजवळ जात असताना पोलिस बंदोबस्तात आलेल्या 10 ते 15 जणांनी वाहन अडवीत शिवसेचा फलक काढून टाकला. त्याला काळे फासण्याचा प्रयत्न केला.
अचानकपणे कन्नड कार्यकर्त्यांनी हल्ला करण्याचा प्रयत्न केल्याने, परिसरात काही काळासाठी गोंधळाची परिस्थीती निर्माण झाली होती. मात्र मराठी भाषिक जमेपर्यंत कन्नड कार्यकर्त्यांनी तिथून पळ काढला. घटना माहिती असूनही पोलिसांनी बघ्याची भूमीका घेतली. या घटनेमुळे पोलिस त्यांना पाठीशी घालत असल्याचे मत व्यक्त होत आहे. शिवसेना जिल्हाप्रमुख प्रकाश शिरोळकर यांच्या वाहनावर हल्ला झाल्याची माहिती मिळताच शिवसेना कार्यालयाजवळ मराठी भाषिक मोठ्या संख्येने जमा होत आहेत.
पाहा व्हिडिओ -
>
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.