बोरगाव, निंबळक परिसर थंडीचा कहर; शेकोट्या पेटल्या

बोरंगाव : बोरगाव, निंबळक परिसरात गेल्या काही दिवसापासून थंडीचा कडाका वाढू लागला आहे. गेले 3-4 दिवस थंडीचे प्रमाण वाढले आहे. तापमान कमालीचे खाली आले आहे. दिवळीपासून थंडीची सुरवात झाली आहे. मात्र थंडीचे प्रमाण कमी जास्त होत राहिले. गेल्या चार दिवसापासून या थंडीने कहर केला आहे. निंबळक परिसरात थंडी पासून बचाव करण्यासाठी शेकोट्या पेटू लागल्या आहेत. 

सध्याच्या बदलत्या जीवनशैलीमुळे व धावपळीमुळे मानवी आरोग्य, सकस आहार अन्‌ व्यायामा अभावी धोक्‍यात येऊ लागले आहेत. कोरोनाच्या महाभयंकर रोगामुळे सर्वच आजारांची भीती लोकांना बसली आहे. उच्च रक्तदाब, मधुमेह, विविध विकार वाढू लागले आहेत. व्यायाम केल्याने आरोग्य सुदृढ राहवे म्हणून परिसारत मॉर्निंग वॉक करणाऱ्या नागरिकांची संख्या वाढली आहे. 

सर्वाधिक महिलांची संख्या वाढली आहे. सकाळच्या गुलाबी थंडीत व्यायाम करण्यासाठी सर्वच रस्ते गजबजलेले आहेत. वाढत्या थंडीचे प्रमाण रब्बी पिकांना पोषक ठरणार आहे. थंडीपासून बचाव करण्यासाठी ठिकठिकाणी शेकोट्या पेटल्याचे चित्र दिसत आहे. शेकोटी भवती निवडणुकीच्या गप्पामध्ये रंगलेले दिसून येते आहे.

संपादन : प्रफुल्ल सुतार