निपाणीतून होतंय बस पासचे वाटप ; विद्यार्थ्यांनो सिंधू ऍपवर करा नोंद

निपाणी (बेळगाव) : कोरोनाचा संसर्ग कमी झाल्याने सध्या पदवी, पदवीपूर्व व विविध प्रशिक्षण देणारी महाविद्यालये सुरु झाली आहेत. त्यामुळे कर्नाटक राज्य परिवहन महामंडळाने बसपास वितरण सुरु केले आहे. त्यासाठी प्रथम सेवा सिंधू ऍपवर विद्यार्थ्याने नोंद करून घेणे आवश्‍यक आहे. आतापर्यंत निपाणी आगारातून 95 महाविद्यालयीन बस पासचे वितरण झाले आहे. महाविद्यालयातील विद्यार्थ्यांची संख्या अद्याप मोजकी असल्यामुळे बसपासला म्हणावी तशी मागणी नसल्याचे चित्र दिसत आहे. 

निपाणी आगारातून दोन दिवसापासून बसपास वितरण सेवा सुरु झाली आहे. सेवासिंधू ऍपवर नोंदणी असल्यामुळे बऱ्याचदा विद्यार्थ्यांना सर्व्हर डाउनचा फटका सहन करावा लागत आहे. त्यामुळे बसपास मिळविण्यासाठी दोन-तीन दिवस लागत आहेत. अद्याप ग्रामीण भागातील बऱ्याच मार्गावरील बससेवा सुरु नसल्याने तेथील विद्यार्थ्यांनी बसपास घेतलेला नाही. बससेवा नियमित केल्यावर विद्यार्थी बसपासला मागणी वाढणार आहे. त्यामुळे निपाणी आगाराने खेडेगावातील बससेवा पूर्ववत करण्याची मागणी होत आहे. 

हेही वाचा - राणी चन्नमा एक्सप्रेस धावणार आता 31 जानेवारीपर्यंत -

"दोन दिवसापासून बसपास वितरण सुरु केले आहे. मात्र खेडेगावातील विद्यार्थ्यांचा अद्याप प्रतिसाद कमी आहे. सध्या महाविद्यालये सुरु झाली आहेत. त्यामुळे विद्यार्थ्यांनी बसपास घेऊन जावेत."

- एस. आर. जोगीरामगोळ, वाहतूक नियंत्रक, पास विभाग, निपाणी 

बसपासचे दर असे 

• महाविद्यालय-शाळा               दर 
• पदवी महाविद्यालय             1550 
• पदवीपूर्व महाविद्यालय        1050 
• आयटीआय महाविद्यालय     1310 
• प्राथमिक, माध्यमिक शाळा    550 

हेही वाचा - नशीब बलवत्तर म्हणून वाचला आणि गोळीचा निशाना त्याचा डावा हात ठरला -

संपादन - स्नेहल कदम