बेळगाव : मैत्रिणीने बोलण्याचे टाळल्याने महाविद्यालयीन विद्यार्थ्याने गळफास घेऊन आत्महत्या केली. यश सुरेंद्र कणबरकर (वय १७, रा. भाग्यनगर नववा क्रॉस) असे त्याचे नाव आहे. गुरुवारी (ता. २४) सायंकाळी ही घटना घडली असून, घटनेची नोंद टिळकवाडी पोलिस ठाण्यात झाली आहे.
याबाबत पोलिसांनी दिलेली अधिक माहिती अशी की, हा विद्यार्थी शहरातील नामांकित पॉलिटेक्निक महाविद्यालयात शिकत होता. त्याची एका मुलीशी मैत्री झाली होती. मात्र, काही कारणावरुन दोघांमध्ये दुरावा निर्माण झाला होता. त्यामुळे तो काही दिवसांपासून मानसिकदृष्ट्या अस्वस्थ झाला होता.
मैत्रिणीशी बोलणे बंद झाल्याने गुरुवारी सायंकाळी त्याने राहत्या घरी बेडरुमध्ये गळफास घेऊन आत्महत्या केली. घटनेची माहिती समजताच टिळकवाडी पोलिसांनी घटनास्थळी भेट देऊन पंचनामा केला. पोलिस निरीक्षक विनायक बडिगेर पुढील तपास करीत आहेत.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.