महाविद्यालयीन विद्यार्थ्याने गळफास घेऊन केली आत्महत्या

बेळगाव - महाविद्यालयीन विद्यार्थ्याने (College Student) राहत्या घरी गळफास घेऊन आत्महत्या (Suicide) केल्याची घटना शुक्रवार (ता. २७) सायंकाळी नानावाडी येथे उघडकीस आली आहे. तूशांक सत्यन स्वामी (वय १८, रा. ईशान अपार्टमेंट नानावाडी) असे त्याचे नाव असून घटनेची नोंद टिळकवाडी पोलीस स्थानकात झाली आहे.

याबाबत पोलिसांतून समजलेली अधिक माहिती असेल, कोरोनामुळे महाविद्यालये बंद असल्याने तूशांक हा घरी बसून मानसिक अस्वस्थ बनला होता. याच कारणातून त्याने काल सायंकाळी साडेसात ते साडेआठच्या दरम्यान राहत्या घरी फॅनच्या हुकला गळफास घेऊन आत्महत्या केली. ही घटना उघडकीस येताच कुटुंबीयांनी पोलिसांना माहिती दिली. त्यानंतर टिळकवाडी पोलिसांनी घटनास्थळी भेट देऊन पंचनामा केला. जिल्हा रुग्णालयातील शवागृहात शल्य चिकित्सा करून मृतदेह नातेवाइकांच्या ताब्यात देण्यात आला.