बावची : येथील प्राथमिक आरोग्य केंद्राच्या नवीन इमारतीचे काम ठेकेदार व जिल्हा परिषदेचे अधिकारी यांचे वादात गेले दीड महिन्यापासून रखडले आहे. 31 डिसेंबर पर्यत हे काम पूर्ण करण्याची मुदत होती. मात्र अद्याप काम रेंगाळलेल्या अवस्थेत आहे. येथील आरोग्य केंद्राचे कामकाज इमारती शिवाय अपुऱ्या जागेत सुरु आहे. रुग्णांची गैरसोय होत आहे.नवीन सुसज्ज इमारत लवकर पूर्ण करून द्यावी अशी मागणी होत आहे.
राष्ट्रीय ग्रामीण आरोग्य योजनेतून येथील रुग्णालय इमारतीस एक कोटी पंच्याहत्तर लाखांचा निधी मंजूर झाला. दीड वर्षा पूर्वी बांधकाम सुरु झाले. सध्या इमारतीचे बांधकाम अंतिम टप्प्यात आल आहे. फरशी व रंगकाम सुरु आहे. नवीन इमारतीत फरशी बसविणे हा अधिकारी व ठेकेदार यांच्यात कळीचा मुद्दा ठरला. प्रसूती गृह व शस्त्रक्रिया विभागातील भिंतीला पांढरी फरशी ऐवजी पिवळसर रंगाची फरशी बसविली यावरून ठेकेदार व अधिकारी यांच्यात बिनसले.यामुळे मागील दीड महिन्यापासून कामकाज थांबले आहे.
येथील प्राथमिक आरोग्य केंद्रातुन पाच उपकेंद्रा मार्फत आठ गावातील सुमारे 29 हजार लोकसंख्येला रुग्णसेवा दिली जाते. दीड वर्षापूर्वी जुनी इमारत पाढली तेव्हापासून अपुऱ्या जागेत रुग्णसेवा सुरु आहे. प्रसूती गृह व शस्त्रक्रिया विभाग बंद आहे. रुग्णांना खाजगी रुग्णालयात जावं लागत आहे. यामुळे रुग्णांची मोठी गैरसोय होत आहे. तरी इमारतीचे कामकाज लवकर पूर्ण करावे अशी ग्रामस्ताची मागणी आहे.
संपादन : प्रफुल्ल सुतार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
