बेळगाव : मालमत्तेच्या वादातून मुलाने चाकू भोसकलेल्या जखमी पित्याचा शनिवारी (६) उपचारादरम्यान एका खासगी रुग्णालयात मृत्यू झाला. लक्ष्मण लक्काप्पा शिरूर (वय ५७, रा. पाटील मळा) असे मृताचे नाव आहे. याप्रकरणी खडेबाजार पोलिस ठाण्यात खुनाचा गुन्हा दाखल झाला असून सोमनाथ लक्ष्मण शिरूर (वय ३०) असे संशयिताचे नाव आहे. दरम्यान, संशयित असून त्याच्या अटकेसाठी पोलिसांनी प्रयत्न चालविले आहेत. मुलगा सोमनाथ हा आपल्या पत्नीसोबत विभक्त राहत होता. तर वडील लक्ष्मण हे आपल्या मुलीसोबत राहत होते.
हेही वाचा - खवय्यांनो, जिभेवर रेंगाळणाऱ्या चवीची दूध आमटी माहिती आहे का ?
मालमत्ता आणि पैशाच्या कारणावरून बाप-लेकामध्ये वारंवार खटके उडत होते. गुरुवारी (४) सायंकाळी सोमनाथने वडिलांशी पुन्हा वाद घातला. त्याचवेळी त्याने रागाच्या भरात वडील लक्ष्मण यांच्या पोटात चाकू भोसकला. त्यामुळे त्यांना गंभीर जखमी अवस्थेत एका खासगी रुग्णालयात दाखल करण्यात आले होते. मात्र, शनिवारी सकाळी त्यांचा उपचारादरम्यान मृत्यू झाला. घटनेची माहिती समजताच खडेबाजार पोलिसांनी घटनास्थळी भेट देऊन पंचनामा केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.