बेळगाव : क्षुल्लक कारणावरुन झालेल्या वादावादीतून एकाने दारुच्या नशेत आपल्या मित्रावरच कोयत्याने प्राणघातक हल्ला केला. शनिवारी (ता. २६) सायंकाळी संभाजी उद्यान येथे ही घटना घडली. जखमीला एका खासगी रुग्णालयात दाखल करण्यात आले आहे. याप्रकरणी मार्केट पोलिसांनी घटनास्थळी भेट देऊन पाहणी केली. याबाबत पोलिसांतून मिळालेली अधिक माहिती अशी, शनिवारी सायंकाळच्या दरम्यान मद्यप्राशन केलेल्या दोघा मित्रांमध्ये क्षुल्लक कारणावरुन वादावादी झाली.
वादावादीचे पर्यवसान हाणामारीत झाल्यानंतर एकाने मित्रावरच कोयत्याने वार केला. त्यामुळे तो जखमी झाल्याने लागलीच काहींनी त्याला उपचारासाठी एका खासगी रुग्णालयात दाखल केले. घटनेची माहिती समजताच मार्केटचे पोलीस उपनिरीक्षक विठ्ठल हवण्णावर व त्यांच्या सहकाऱ्यांनी घटनास्थळी भेट देऊन पाहणी केली. याप्रकरणी सायंकाळी उशिरापर्यंत पोलिसांत गुन्हा दाखल झाला नव्हता. त्यामुळे अधिक तपशील मिळू शकला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
