ED Raid in Sangli : सांगलीत बड्या व्यापाऱ्यांच्या घरावर ईडीचे छापे! परिसरात खळबळ

सांगलीतील त्रिकोणी बाग परिसराक आज, २३ जून रोजी पहाटे पाच वाजल्यापासून ईडीची छापेमारी सुरु आहे. सांगलीत एकूण २ पथकांद्वारे छापमारी झाल्याची माहिती समोर येत आहे. सकाळीच ईडीचे पथके सांगली शहरात दाखल झाली आहेत.

मिळालेल्या माहितीनुसार, दोन पथकाच्या मदतीने शिवाजीनगर मधील पारेख बंधूच्या दोन बंगल्यामध्ये ईडीचे अधिकारी चौकशी करत आहेत. ईडीचे अधिकारी चौकशी करत असलेल्या बंगल्याबाहेर सीआरएफचे जवान देखील तैनात आहेत.

ईडीची ही पथकं सुरेश आणि दिनेश पारेख बंधू यांच्या शिवाजीनगर येथील दोन बंगल्यात गेली आहेत. तेथे ईडीचे अधिकारी काही जणांची चौकशी करत आहेत. पारेख हे सांगलीतील बडे व्यावसायिक आहेत. या पारेख बंधूंचा इलेक्ट्रिकलचा मोठा व्यवसाय आहे. आर्थिक आणि व्यवसायातील अनियमितता या संशयावरून ही कारवाई झाल्याची माहिती समोर आली आहे. दरम्यान चौकशीचा अधिकृत तपशील देण्यास मात्र ईडीच्या अधिकाऱ्यांचा नकार दिला आहे.