आनेवाडी टाेलनाक्यावर मध्यरात्री गाेळीबार

सातारा : आनेवाडी, ता. जावली येथे आज टोल भरण्याच्या कारणावरुन पिस्तुलातून गोळीबार झाला असून या गोळीबारात एकजण जखमी झाला आहे.
आनेवाडी टोलनाक्यावर (ता.25).मध्यरात्री एमएच 12- एनजे 302 आणि एमएच 12 - केवाय 6466 व दुसर्‍या एका कारमधून आलेल्या काहींनी टोल भरण्याच्या कारणावरुन नाक्यावरील कर्मचार्‍यांना दमदाटी केली. त्यातून वादावादी झाली. या वाहनांमधील एकाने
पिस्तुल काढून सुमारे सहा राऊंड हवेत फायर केल्याचे तसेच गाेळीबार करणारे पुण्याचे दिशेने निघून गेल्याचे टाेल नाक्यावरील कर्मचाऱयांचे म्हणणे आहे.
दरम्यान, या घटनेत एकजण जखमी झाला आहे. या घटनेनंतर जिल्हा पोलीस दलातील वरिष्ठ अधिकार्‍यांनी घटनास्थळी धाव घेतली असून आरोपींच्या शोधासाठी पोलीस पथके पुण्याच्या दिशेने रवाना झाली. याप्रकरणी आनेवाडी टोलनाक्यावरील व्यवस्थापक पांडुरंग घनश्याम पवार रा. चिंधवली, ता. वाई यांनी भुईंज पोलीस ठाण्यात फिर्याद दिलेली आहे.