The tragic moment during a bullock cart race when two bulls drowned in a pond after losing control.Sakal
पश्चिम महाराष्ट्र
Sangli: 'बैलगाडी शर्यतीतील दोन बैलांचा तलावात बुडून दुर्दैवी मृत्यू'; झेंडा पडला, बैलगाडी सुसाट अन् ताबा सुटला..
शर्यतीत सहभागी बैलगाड्यांपैकी एका बैलगाडीवरील चालकाचा ताबा सुटून बैलगाडी परत न फिरता थेट तीस-चाळीस फूट तलावाच्या पाण्यात गेली, बैलगाडी बाहेर काढण्याच्या नादात गळ्याला फास बसून पाण्यात बुडून दोन्ही बैलांचा दुर्दैवी अंत झाला.
तासगाव : गव्हाण (ता. तासगाव) येथे श्री लक्ष्मीदेवीच्या यात्रेत आयोजित करण्यात आलेल्या शर्यतीतील बैलगाडीचा ताबा सुटून दोन बैलांसह बैलगाडी तलावात जाऊन कासऱ्याचा फास लागल्याने दोन्ही बैलांचा दुर्दैवी अंत झाला. बैलगाडी शर्यतीचे सर्व नियम पायदळी तुडवत घेण्यात आलेल्या शर्यतीमध्ये दोन मुक्या जीवांचा बळी गेल्याने हळहळ व्यक्त होत आहे.