गुड न्यूज ः वेलडन डॉक्टर... तिसरा कोरोना पॉझिटिव्हही डिस्चार्जच्या वाटेवर

नगर -  मुंबई-पुण्यानंतर राज्यात नगरमध्येच सर्वाधिक रूग्ण आहेत. त्यामुळे सर्वांच्याच उरात धडकी भरली आहे. मात्र, एक गोष्ट इथे सातत्याने घडते आहे. आणि त्याला जिल्हा प्रशासन व वैद्यकीय यंत्रणेचे हे यश आहे. पुण्या-मुंबईच्या डॉक्टरांना जे जमले नाही ते नगरकरांनी करून दाखवलं आहे. त्यांची काळजी घेतल्याने आतापर्यंत एकाही रूग्णाला जीव गमवावा लागला नाही.

तिसऱ्या कोरोना बाधित रुग्णाचा १४ दिवसानंतरचा अहवाल निगेटिव्ह आला आहे. त्यामुळे दिलासादायक घटना घडली आहे. मात्र, अजून एका अहवालाची प्रतीक्षा आहे. तो निगेटीव्ह आल्यास उद्या घरी सोडणार येणार आहे.

हेही वाचा - देवा पांडुरंगा उरलेले रिपोर्टही निगेटीव्ह येऊ दे रे

आतापर्यंत जिल्ह्यात २५जणांना बाधा झाली आहे. त्यातील दोघांना ठणठणीत बरे करून घरी सोडले आहे. आता तिसरा रूग्ण ही डिस्चार्जच्या वाटेवर आहे.
जिल्हा सामान्य रुग्णालयाने पुणे येथील लष्करी वैद्यकीय महाविद्यालयाकडे  आतापर्यंत १२२ व्यक्तींचे घशातील स्त्राव नमुने पाठविले आहेत. या अहवालाची प्रतीक्षा आहेत. यामध्ये तिसऱ्या कोरोनाबाधित व्यक्तीच्या १४ दिवसानंतरच्या दुसऱ्या अहवालाचा समावेश आहे, अशी माहिती जिल्हा आरोग्य यंत्रणेने दिली आहे.

पहिले दोन रूग्ण दुबईहून आले होते. हा तिसरा रूग्ण नेमका कोणाच्या संपर्कात आले हेच कळले नव्हते. तरीही त्याला बाधा झाली होती. आता तोही बरा होण्याच्या मार्गावर आहे. त्यामुळे नगरकरांचे बरेच टेन्शन हलके झाले आहे.