बेळगाव ः सरकार दरवर्षी मातृपूर्ण, मध्यान्ह आहार आणि पौष्टीक आहारावर कोट्यवधी रुपये खर्च करते, तरीही जिल्ह्यात सध्या सर्वाधिक कुपोषित बालकांची नोंद झाली आहे. यामुळे कुपोषित बालकांचा आकडा 68 हजार 962 इतका झाला आहे. तर महिला व बाल कल्याण मंत्री शशिकला जोल्ले यांच्या जिल्ह्यात कुपोषित बालकांचा टक्का वाढल्याने हा विषय चर्चेचा ठरला आहे.
राज्यात पाच लाख कुपोषित बालके असल्याची नोंद महिला व बाल कल्याण विभागाकडे झाली असून त्यापैकी 185 बालके लॉकडाउनच्या काळातील दोन महिन्यात दगावली आहेत. महिला व बाल कल्याण मंत्री शशिकला जोल्ले बेळगाव जिल्ह्यातील असूनही जिल्ह्यातील कुपोषितांची वाढलेली संख्या चिंताजनक आहे. त्यामुळे सर्व पातळीवरच्या अभ्यासाचा अभाव असल्याचे मत तज्ज्ञाकडून व्यक्त केले जाते.
कोरोनाने देशपातळीर थैमान घातल्याने आरोग्य विभागाकडून कुपोषित बालकांच्या आरोग्याकडे दुर्लक्ष झाले आहे. मातृपूर्ण, वैद्यकीय आणि पौष्टीक आहार पुरवठ्यात मर्यादा आल्यामुळेही कुपोषितांच्या संख्येत वाढ झाल्याचे सांगण्यात येत आहे.
पुन्हा नियोजन सुरु
लॉकडाउनमुळे वैद्यकीय तपासणी, वजन करणे आणि अन्य बाबींची पूर्तता करताना मर्यादा पडल्या आहेत. मात्र आता पुन्हा नियोजन सुरु आहे.
के. ए. दयानंद,
संचालक, महिला व बालकल्याण
कुपोषित बालकांची जिल्हानिहाय आकडेवारी
|
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.