Belgaum : भारत-पाक युद्धाला ७५ वर्षे पूर्ण झाल्यानिमित्त साजरा करण्यात आला 'इन्फन्ट्री डे' | Sakal
sakal

बोलून बातमी शोधा

belgaum

भारत-पाक युद्धाला ७५ वर्षे पूर्ण झाल्यानिमित्त साजरा करण्यात आला 'इन्फन्ट्री डे'

बेळगाव : येथील मराठा लाईट इन्फन्ट्री रेजिमेंटल केंद्रात १९४७ साली झालेल्या भारत-पाक युद्धाला ७५ वर्षे पूर्ण झाल्यानिमित्त 'इन्फन्ट्री डे' बुधवारी (ता. २७) साजरा झाला. दरवर्षी २७ ऑक्टोबरला मराठा इन्फन्ट्रीकडून हा दिवस साजरा केला जातो. पण यंदा तो वेगळ्या पद्धतीने साजरा करण्यात आला. कोरोना संसर्ग नियंत्रणात ठेवण्यासाठी लढलेल्या कोरोना वॉरियर्सचा सन्मान करण्यात आला. कॅम्पमधील महिला पोलीस स्थानकातील महिला कॉन्स्टेबल, सरकारी रुग्णालयात काम करणाऱ्या आया आणि नर्स, तसेच मिलिटरी हॉस्पिटलमधील डॉक्टर आणि नर्स यांचा यावेळी सत्कार झाला. आर्मी वाइफ वेल्फेअर असोसिएशनच्यावतीने या महिलांचा सन्मान झाला.

मराठा लाईट इन्फंट्री रेजिमेंटल केंद्राचे कमांडंट ब्रिगेडियर रोहित चौधरी यांनी विशेष प्रशंसा प्रमाणपत्र देऊन कोरोना वॉरियर्सचा सन्मान केला. प्रारंभी शरकत युद्ध संग्रहालय येथे जाऊन शहिदाना मानवंदना देण्यात आली. नंतर हा सन्मान कार्यक्रम झाला. २७ ऑक्टोबर १९४७ रोजी पाकिस्तानला काश्मीरमधून हद्दपार करण्यासाठी भारतीय लष्करातील शीख रेजिमेंटची पहिली तुकडी काश्मीरच्या श्रीनगर विमानतळावर उतरली होती. त्यानंतर भारताने या युद्धात पाकिस्तानी लष्कराचा पराभव केला होता. त्यामुळे या दिवसाला 'इन्फंट्री डे' म्हणून दर वर्षी भारतीय लष्कराकडून साजरा केला जातो.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :western maharashtra
loading image
go to top