आटपाडी: करगणी (ता. आटपाडी) येथे करगणी-खरसुंडी रस्त्यावर चोवीस वर्षीय तरुणाचा नाका-तोंडातून रक्त आलेल्या संशयास्पद अवस्थेत मृतदेह आढळला. शंकर तुकाराम निळे (वय २४, करगणी) असे मृत तरुणाचे नाव आहे. सोमवारी (ता. ११) रात्रीपासून तो बेपत्ता होता. या मृत्यूची नोंद आटपाडी पोलिस ठाण्यात केली आहे. संशयास्पद मृतदेह आढळल्याने गुन्हे अन्वेषण विभागाच्या पथकाने गावात तळ ठोकला असून तिघांना चौकशीसाठी ताब्यात घेतले आहे.