सांगली - इस्लामपूर येथील वृद्ध महिलेच्या खून प्रकरणातील संशयित आरोपीने आज पोलिसांच्या हातावर तुरी देत धूम ठोकली, मात्र आपली ही मर्दुमकी गावात सांगण्यासाठी त्यानं मोबाईलवरून एकाशी संपर्क साधला..हीच त्याची चूक ठरली अन् तासाभरात त्याच्या हातात पुन्हा बेड्या पडल्या. मिरज रेल्वे स्थानकावरून परागंदा होण्याच्या तयारीत असताना त्याला अटक करण्यात आली. मुवाज ईलाही मुलाणी (२१, रा. इस्लामपूर) असे त्याचे नाव आहे.अधिक माहिती अशी, की चैनीसाठी पैसे मिळवण्याच्या हेतूने वृद्धेच्या गळ्यातील व नाकातील सोन्याचे दागिने चोरी करण्याच्या हेतून मुलाणी वृद्धेचा खून केला होता. खुनाच्या घटनेत कोणतेही पुरावे हाती नसताना पोलिसांनी अत्यंत शिताफीने दोन दिवसापुर्वी त्याला गजाआड केले..त्याच्या वैद्यकीय कारणास्तव त्याला न्यायालयीन कोठडीही आज सुनावण्यात आली. संशयित मुलाणी याला आज येथील मध्यवर्ती कारागृहात सोडण्यात येणार होते. त्यासाठी इस्लामपूर पोलिस त्याला घेवून आले होते.दरम्यान, कारागृहाच्या दारातच अनेक वैद्यकीय कारणे तो देवू लागला. त्यावेळी त्याची औषधे आणण्यासाठी म्हणून बाहेर थांबवण्यात आले होते. तेवढ्यात मुलाणी याने पोलिसांच्या हातावर तुरी देत धूम ठोकली. त्यामुळे खळबळ उडाली. इस्लामपूर पोलिसांची चांगलीच दमछाक सुरू झाली..दुसऱ्या बाजूला त्याचवेळेत शहरात पोलिसांचा रूट मार्च सुरू होता. त्यामुळे सर्व पोलिस त्यात व्यस्त होते. मुलाणी हा पळ काढत कसातरी मिरज रेल्वेस्थनकावर पोहचला. त्याठिकाणी एकाच्या मोबाईलवरून त्याने गावात फोन लावत आपली मर्दुमकी सांगितली आणि हीच टीप स्थानिक गुन्हे अन्वेषणच्या पथकाला मिळाली..इस्लामपूर पोलिस त्याच्या मागावर होतेच. तो मिरज रेल्वेस्थानकावर असल्याची माहिती मिळताच पथक त्याठिकाणी गेले. शिताफीने त्याला पुन्हा बेड्या ठोकल्या, मात्र यंत्रणेचा भोंगळ कारभार यानिमित्ताने चव्हाट्यावर आला..कारागृहात सोडण्यासाठी येणाऱ्या पोलिस अंमलदजारांची खातेनिहाय चौकशी होईल, असे सुत्रांनी सांगितले खरे. पण, एखाद्या गंभीर गुन्ह्यातील आरोपीला ने-आण करताना होणाऱ्या निष्काळजीपणावर अधीक्षक संदीप घुगे कोणती करणार हे यथावकाश समोर येईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
