विटा : वीज दरवाढीस मंजुरी मिळण्यासाठी वीज नियामक आयोगासमोर महावितरण कंपनीने याचिका दाखल केली आहे. वीज दरवाढ मंजूर झाल्यास राज्यातील उद्योगक्षेत्र बंद पडेल, अशी भीती राज्यातील उद्योग क्षेत्रासह सर्वच वीजग्राहकांतून व्यक्त होत आहे. मोजक्याच लोकप्रतिनिधींनी प्रस्तावास विरोध दर्शविला आहे. लोकप्रतिनिधींच्या उदासीनतेने उद्योग क्षेत्र चिंतेत असल्याचे मुंबई महाराष्ट्र वीज ग्राहक संघटनचे सदस्य व विटा यंत्रमाग संघाचे अध्यक्ष किरण तारळेकर यांनी सांगितले.