आशुतोष गोवारीकर गौरव

87683
....
आशुतोष गोवारीकर
यांचा फ्रान्समध्ये गौरव
मानाच्या सेंट ट्रोपेझ पदकाने सन्मानित
सकाळ वृत्तसेवा
कोल्हापूर, ता. ३ : ‘लगान’, ‘स्वदेस’, ‘जोधा अकबर’ अशा लक्षणीय चित्रपटांचे दिग्दर्शक व निर्माते आशुतोष गोवारीकर यांना फ्रान्समधील मानाच्या सेंट ट्रोपेझ पदकाने सन्मानित करण्यात आले आहे. असा सन्मान मिळविणारे भारतीय चित्रपट उद्योगातील गोवारीकर हे पहिले भारतीय आहेत.
सेंट ट्रोपेझ शहरात सुरू असलेल्या निर्वाणा इंडियन कल्चर अ‍ॅन्ड सिनेमा फेस्टिव्हलमध्ये गोवारीकर यांच्याबरोबरच भारताचे फ्रान्समधील राजदूत जावेद अश्रफ, लॉर्ड रामी रँगेर यांना या पदकाने सन्मानित करण्यात आले. यावेळी फ्रेड्रिक प्रिव्होस्ट-अ‍ॅलर्ड, जॉर्जेस गिराऊड,
हेलेन मिलियर, सुनीता गोवारीकर, आदी उपस्थित होते. दरम्यान, गोवारीकर यांनी भारत व फ्रान्स या दोन्ही देशांमधील सांस्कृतिक व चित्रपट उद्योगांमधील स्नेहबंध अधिक सुदृढ होण्यासाठी आपण प्रयत्नशील राहू, अशी ग्वाही दिली.