किरकोळ वादातून दोन कुटुंबात तुंबळ हाणामारी; इचलकरंजीतील घटना

इचलकरंजी : लहान मुलांच्या किरकोळ वादातून दोन कुटुंबात (family disputes) तुंबळ हाणामारी झाली. धारदार शस्त्राने कुटुंबातील सदस्यांमध्ये मारहाण झाली. या घटनेत दोन्ही कुटुंबातील ८ जण गंभीर (8 people injured) जखमी झाले असून एकाला पुढील उपचारासाठी सांगली सिव्हील रूग्णालयात हलविण्यात आले आहे. जुना चंदूर रोडवरील बरगे मळा परिसरात ही घटना घडली. (ichalkaranji crimenews) दुपारी एक वाजण्याच्या सुमारास अचानकपणे सुरू झालेल्या या हाणामारीच्या घटनेने दहशतीचे वातावरण बनले होते. त्वरीत शिवाजीनगर पोलिसांनी (shivajinagar police) धाव घेतली.

रविवारी दुपारी एक वाजण्याच्या सुमारास बरगे मळ्यात लहान मुले खेळत असताना एकमेकांकडे बघण्यावरून वाद झाला. या वादाचे रूपांतर दोन कुटुंबाच्या हाणामारीत झाले. बरगे व जिगन कुटुंबात शाब्दीक बाचाबाचीनंतर एकमेकांच्या अंगावर धावून हाणामारी सुरू झाली. दोन्ही कुटुंबातील ७ ते ८ जणांचा या वादाच्या गोंगाट्याने परिसरातील नागरिकांनी गर्दी केली. नागरिकांनी त्यांना आवर घालण्याचा प्रयत्न केला. मात्र धारदार शस्त्राने हाणामारी झाल्याने परिसरात दहशतीचे वातावरण निर्माण झाले. या हाणामारीत एका अल्पवयीन मुलाचे हाताचे बोट तुटले आहे तर अन्यजण गंभीर जखमी झाले आहेत.

धारदार शस्त्राचे अंगावर वार झाल्याने गंभीर जखमी झालेल्या एकाला यांना पुढील उपचारासाठी सांगली सिव्हील रूग्णालयात दाखल करण्यात आले आहे. दोघांवर हातकणंगले ग्रामीण रूग्णालयात उपचार सुरू आहेत तर पाच जणांवर शहरातील खासगी रूग्णालयात उपचार सुरू आहेत. या घटनेची नोंद शिवाजीनगर पोलिसात झाली आहे.