Kolhapur Crime News: डोक्यात दगड घालून पत्नीचा निर्घृण खून चारित्र्याचा संशय, ऊसतोड मजुराचे कृत्य

एका ऊसतोड मजुराने आज चारित्र्याच्या संशयातून पत्नीचा डोक्यात दगड घालून निर्घृण खून केला.
Kolhapur Crime News
Kolhapur Crime NewsSakal

कुडित्रे : एका ऊसतोड मजुराने आज चारित्र्याच्या संशयातून पत्नीचा डोक्यात दगड घालून निर्घृण खून केला. कोल्हापूर-गगनबावडा मार्गावर बालिंगे पुलाजवळ हा प्रकार घडला. स्नेहल नितीन अहिवळे (रा. खडकी, ता. मंगळवेढा) असे मृत महिलेचे नाव आहे.

या प्रकारानंतर पती नितीन सकाळी करवीर पोलिस ठाण्यात हजर झाला. घटनास्थळी बघ्यांची गर्दी झाली होती. त्यामुळे सकाळी काही वेळ वाहतुकीची कोंडी झाली.

याबाबत करवीर पोलिसांनी दिलेली माहिती अशी ः नितीन दगडू अहिवळे पत्नी स्नेहलसह टाकळीवाडी येथे ऊस तोडणीचे काम करतो. तो सातत्याने पत्नीवर चारित्र्याचा संशय घेत असे. त्याने सोमवारी रात्री स्नेहलला फिरायला जाण्याच्या निमित्ताने कोल्हापूर -गगनबावडा रस्त्यावरील बालिंगे पुलाजवळ घेऊन आला.

पुलाशेजारी असणाऱ्या एका उसाच्या शेतात त्याने तिला बोलण्यात गुंतवून ठेवले. काही वेळाने बांधावरील मोठा दगड उचलून त्याने स्नेहलच्या डोक्यात घातला. तिचा जागीच मृत्यू झाला.

नितीन सकाळी सातच्या सुमारास लक्ष्मीपुरी पोलिस ठाण्यात गेला. लक्ष्मीपुरी पोलिसांनी त्याला करवीर पोलिस ठाण्यात पाठवले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com