दुकान गाळ्याच्या आर्थिक वादातून तारदाळच्या तरूणाचा खून | Sakal
sakal

बोलून बातमी शोधा

Murder

तारदाळ (ता. हातकणंगले) येथील महादेव निगडे या तरूणाचा खून दुकान गाळ्याच्या आर्थिक व्यवहाराच्या वादातून झाल्याचे देवरूख पोलिसांच्या तपासात निष्पन्न झाले आहे.

दुकान गाळ्याच्या आर्थिक वादातून तारदाळच्या तरूणाचा खून

इचलकरंजी - तारदाळ (ता. हातकणंगले) येथील महादेव निगडे या तरूणाचा खून (Youth Murder) दुकान गाळ्याच्या (Shop) आर्थिक व्यवहाराच्या वादातून (Dispute) झाल्याचे देवरूख पोलिसांच्या तपासात निष्पन्न झाले आहे. या प्रकरणी तिघांना अटक करण्यात आली आहे. यामध्ये सुरज मेहबूब चिकोडे (वय २४,रा. मराठी शाळेजवळ, तारदाळ), गणेश उर्फ हंप्या राजेश शिवारे (वय २८, रा. तारदाळ) याच्यासह एका अल्पवयीन मुलाचा समावेश आहे. रत्नागिरी स्थानिक गुन्हे अन्वेषण शाखेचे पोलिस निरिक्षक हेमंतकुमार शहा यांच्या नेतृत्वाखालील पथकाने या प्रकरणाचा कौशल्यपूर्ण तपास केला.

आंबा घाटातील गायमुख मंदिराजवळ ५ मे रोजी खोल दरीमध्ये सडलेल्या अवस्थेत महादेव याचा मृतदेह आढळून आला होता. या प्रकरणी देवरूख पोलिसात ९ मे रोजी खुनाचा गुन्हा नोंद करण्यात आला होता. मृतदेह सडलेला असल्याने ओळख पटविणे पोलिसांसमोर आव्हान होते. मात्र स्थानिक गुन्हे अन्वेषण शाखेला निगडे हा बेपत्ता झाल्याचे समजले. त्याचे वर्णन आणि मृतदेहाचे वर्णन जुळल्यानंतर तपासाला गती आली. त्यानंतर पथकाने तारदाळ येथे येऊन माहिती घेतली असता खुनाचा प्रकार समोर आला.

याप्रकरणी मुख्य संशयीत सुरज मेहबूब चिक्कोडे व गणेश उर्फ हंप्या राजू शिवारे याच्यासह एका अल्पवयीन मुलास ताब्यात घेऊन अटक केली. त्यांनी १६ एप्रिल रोजी मध्यरात्रीनंतर मृतदेह आंबा घाटात फेकल्याचे कबुल केले आहे. यातील सुरज व गणेश याला न्यायालयात हजर केले असता १६ मे पर्यंत पोलिस कोठडी देण्यात आली. याबाबतचा तपास देवरूख पोलिस ठाण्याचे पोलिस निरिक्षक बाळकृष्ण जाधव करीत आहेत.

तपास मोहिमेत रत्नागिरी स्थानिक गुन्हे अन्वेषण शाखेचे पोलिस निरिक्षक श्री. शहा, सहाय्यक फौजदार प्रशांत बोरकर, हवालदार विजय आंबेकर, अरूण चाळके, बाळू पालकर, योगेश नागवेकर, दत्ता कांबळे, सचिन भुजबळराव, संतोष सडकर यांनी सहभाग घेतला. तपासकामी शहापूर पोलिसांसह कोल्हापूर पोलिस दलाचे सहकार्य मिळाले.

सुरज चिक्कोडे सराईत गुन्हेगार

या खून प्रकरणातील मुख्य संशयीत सुरज चिक्कोडे हा सराईत गुन्हेगार आहे. त्याच्यावर यापूर्वी जबरी चोरीचे दोन गुन्हे जयसिंगपूर, शहापूर पोलिस ठाणे येथे दाखल आहेत. गुन्हेगारी वर्तुळात रावण गँगचा मुख्य म्होरक्या म्हणून तो कार्यरत असल्याची देवरूख पोलिसांनी सांगितले.

Web Title: Murder Young Man In Tardal Over A Financial Dispute Over A Shop Floor Crime

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top