Rajaram Factory Election Result : कंडका पडला! सतेज पाटलांना मोठा दणका; महादेवराव महाडिक 'इतक्या' मतानं विजयी

कोल्हापूर : कसबा बावडा (ता. करवीर) येथील छत्रपती राजाराम सहकारी साखर कारखान्याच्या निवडणूक निकालाच्या मतमोजणीस सकाळपासून सुरुवात झालीये.

निकालाच्या सुरुवातीलाच सत्ताधारी महाडिक गटानं मोठी आघाडी घेतली आहे. दुसऱ्या फेरीच्या मतमोजणीला सुरुवात झाली असून दुसऱ्या फेरीत महाडिक गटानं विजयाचं खातं उघडलं आहे.

संस्था गटातून महादेवराव महाडिक 39 मतानं विजयी झाले आहेत, तर विरोधी गटाचे सचिन पाटील यांना केवळ 44 मतं मिळाली आहेत. या निवडणुकीत 5 फेरी अखेर महाडिकांनी आपली आघाडी कायम ठेवली आहे. याचबरोबर संस्था कडातून महादेवराव महाडिक यांनी 84 मतं मिळवत आपला विजय निश्चित केला. रमणमळा येथील शासकीय बहुउद्देशीय हॉलमध्ये मतमोजणी सुरु आहे.

दोन फेऱ्यात मोजणी प्रक्रिया संपणार असून, पहिली फेरी दुपारी साडेबारापर्यंत संपणार असली तरी दुपारी दोननंतरच निर्णायक आघाडीवर शिक्कामोर्तब होणार आहे. तर, पहिल्या दोन फेऱ्यांमध्ये सत्ताधारी महाडिक आघाडीनं चांगली आघाडी घेतली. दरम्यान, निवडणुकीच्या पहिल्या फेरीत सत्ताधारी गटातील माजी आमदार अमल महाडिक हे एक हजार मतांनी आघाडीवर आहेत. या फेरीत विरोधी आमदार सतेज पाटील यांच्या गटाला धक्का बसलाय.