गारगोटीत इंधन दरवाढीविरोधात शिवसेनेतर्फे आंदोलन 

गारगोटी : केंद्र सरकारने पेट्रोल, डिझेल व गॅसची प्रचंड दरवाढ केली आहे. यामुळे केंद्र सरकार व दरवाढीच्या विरोधात येथे शिवसेनेच्यातीने जोरदार निदर्शने केली. शिवसेना पदाधिकाऱ्यांनी आमदार प्रकाश आबिटकर यांच्या नेतृत्वाखाली निषेध मोर्चा काढून दरवाढीविरोधात घोषणाबाजी केली. तहसीलदार अश्विनी अडसूळ यांना  याबाबतचे निवेदन दिले. 

आमदार प्रकाश आबिटकर म्हणाले, केंद्र सरकारच्यावतीने दिवसेंदिवस पेट्रोल व डिझेलच्या किमतीत दरवाढ होत आहे. आधीच सर्वसामान्य माणूस कोरोनाच्या संकटामुळे आर्थिक विवंचनेत सापडला आहे. सततच्या होणाऱ्या पेट्रोल, डिझेल दरवाढीमुळे सर्वसामान्यांचे जीवन मेटाकुटीस आले आहे. महागाईच्या वणव्यातून सामान्य माणसाला बाहेर काढण्यासाठी शिवसेनेचे प्रयत्न सुरू आहेत. 

हे पण वाचा - Video -कोल्हापुरी चप्पल घेताना फसवणूक होतेय! मगअशी ओळखा बनावट चप्पल

उपजिल्हाप्रमुख प्रकाश पाटील यांनी केंद्र सरकारच्या धोरणावर कडाडून टीका केली. नंदकुमार ढेंगे, कल्याण निकम, अंकुश चव्हाण, यशवंत नांदेकर, मदन देसाई, तालुकाप्रमुख अविनाश शिंदे, अशोक दाभोळे, महादेव पाटील, वसंत कांबळे, सुशांत सुर्यवंशी, रणधीर शिंदे, कृष्णात देसाई, श्रीकांत हावळ, अल्ताफ बागवान, राजेंद्र चिले, दीपक देसाई, संग्राम सावंत, विद्याधर परीट, पांडुरंग कांबळे, दशरथ राऊत, अजित चौगले आदी उपस्थित होते. 

हे पण वाचा -  कोल्हापूर : गारगोटीत गटविकास अधिकाऱ्यांना धरले धारेवर

संपादन - धनाजी सुर्वे